Մոսկվան կվերահսկի Բաքվի արտաքին քաղաքականությունը
Ադրբեջանական լրատվամիջոցներում երեկ մեծ ոգևորություն էր առաջացրել Ռուսաստանի արտգործնախարար Սերգեյ Լավրովի այն արտահայտությունը, թե ղարաբաղյան հակամարտությունն արդեն «չափից շատ է հասունացել»: Սակայն Մամեդյարովի հետ հանդիպման ավարտին լրագրողների հետ հանդիպման ընթացքում, երբ նրանցից մեկը Լավրովին խնդրում է մեկնաբանել այդ արտահայտությունը, Ռուսաստանի արտգործնախարարը նշում է. «Անկեղծ ասած, արդեն չեմ հիշում, թե նման արտահայտություն եմ արել: Սակայն ոչ ոք չի հերքում, որ հակամարտությունը ձգձգվել է: Միաժամանակ բոլորն էլ համաձայն են, որ պայմանավորվածությունների հասնելու իրական հիմքեր կան: Երևի թե այժմ հարցը նրանում է, որպեսզի այդ ըմբռնումը տեղափոխվի կոնկրետ ձևակերպումների դաշտ: Որպես կանոն դա ամենադժվար գործն է, բայց կարող եմ ձեզ հավաստիացնել , որ ակտիվությունը, համենայն դեպս ռուսական ղեկավարության կողմից, երբեք չի նվազել՝ ուղղված փոխադարձաբար ընդունելի կարգավորում փնտրելու շուրջ կողմերի ջանքերին աջակցելուն : …Անկեղծ ասած, առկա իրավիճակին ես նայում եմ զգուշավորությամբ, բայց ամրապնդվող լավատեսությամբ: Կաշխատենք անել ամեն ինչ, որպեսզի նման պայմանավորվածություն ձեռք բերվի հնարավորինս արագ»:
Համաձայնեք՝ դժվար է այս ձևակերպումների հետևում ղարաբաղյան կարգավորման առնչությամբ ադրբեջանական դիրքորոշումը սատարող որևէ հայտարություն ամրագրել: Փոխարենը ասուլիսի ժամանակ Լավրովը բավականին հետաքրքիր անցում է կատարում ղարաբաղյան հակամարտությունից դեպի ուկրաինական ճգնաժամ: Ռուսաստանի արտգործնախարարը մասնավորապես նշում է. «(Մամեդյարովի հետ) քննարկեցինք միջազգային ու տարածաշրջանային խնդիրներ: Հանգամանորեն մտքեր փոխանակեցինք ղարաբաղյան հակամարտության շուրջ: Ռուսաստանում, ինչպես ավելի վաղ, այնպես էլ այժմ, հակամարտող կողմերի միջև պայմանավորվածությունների ձեռքբերմանն աջակցելը դիտարկում են որպես արտաքին քաղաքական գերակայություններից մեկը: … Ամրագրեցինք մեր երախտագիտությունը ուկրաինական խնդրի առնչությամբ Ադրբեջանի հավասարակշիռ դիրքորոշման առնչությամբ: Մենք այն ընդհանուր կարծիքին ենք, որ անհրաժեշտ է անել ամեն ինչ արագացնելու այդ ճգնաժամի կարգավորման քաղաքական կարգավորմանն ուղղված ջանքերը՝ փետրվարի 12-ի Մինսկի պայմանավորվածությունների հիման վրա, ինչը ենթադրում է կայուն և ուղղակի երկխոսության մեկնարկ Կիևի և Դոնեցկի ու Լուգանսկի միջև»:
Փաստորեն, Լավրովի խոսքով, Բաքուն այն կարծիքին է, որ ուկրաինական ճգնաժամը հաղթահարելու համար Կիևը պետք է ուղղակի երկխոսություն սկսի Նովոռոսիայի ներկայացուցիչների հետ:
Թվում է՝ Մամեդյարովին հեշտ չի եղել համաձայնել այս մոտեցմանը` հաշվի առնելով, որ կա ճնշում (նաև միջազգային հանրության կողմից) Բաքվի նկատմամբ ղարաբաղյան հակամարտության կարգավորման նպատակով Ստեփանակերտի հետ ուղղակի երկխոսություն ծավալելու հարցում:
Սակայն սա Մոսկվայում Մամեդյարովին սպասվող միակ դառը հաբը չէր: Հանդես գալով Вести 24 հեռուստածրագրի շրջանակներում և խոսելով Ադրբեջանի արտաքին հարաբերությունների մասին՝ Մամեդյարովը նշում է, որ ԵՄ հետ Ասոցացման համաձայնագիր կնքել իր երկիրը չի կարող, քանի որ ԱՄՀ անդամ չի հանդիսանում: Փաստորեն Մամեդյարովը խոստովանում է, որ երկիրն ի վիճակի չէ փաստաթուղթը ստորագրել ԱՄՀ չափանիշները չբավարարելու պատճառով, ոչ թե որովհետև չի ցանկանում, ինչպես փորձում էր Բաքուն ներկայացնել ավելի վաղ: Փոխարենը, նշում է Մամեդյարովը, Ադրբեջանն առաջարկել է ԵՄ-ին Ռազմավարական գործընկերության համաձայնագիր կնքել, որը հիմնված է լինելու էներգետիկ համագործակցության վրա: «Մենք ձգտում ենք, որ դրանք (ԵՄ-Ադրբեջան հարաբերությունները) իրավահավասար լինեն», - նշում է Մամեդյարովը: Վերջինիս խոսքից կարելի է ենթադրել, որ եվրոպական կողմի առաջարկներն ու ձգտումներն այս մոտեցումն այնքան էլ չեն արտացոլում: Ինչ վերաբերում է Եվրասիական տնտեսական միությանը, ապա Մամեդյարովի խոսքով, Ադրբեջանը չի կարող կառույցին անդամակցել ղարաբաղյան հակամարտության պատճառով: Քանի դեռ փակ է հայ-ադրբեջանական սահմանը, Ադրբեջանը չի կարող անդամակցել կառույցին, նշում է Մամեդյարովը:
Սակայն թվում է, Ադրբեջանի՝ ԵԱՏՄ կազմում չլիները Մոսկվային որևէ կերպ չի խանգարում ավելացնել վերահսկողությունն այս երկրի նկատմամբ. Մոսկվայում Լավրովն ու Մամեդյարովը ի թիվս մի շարք փաստաթղթերի ստորագրել են «2015-16 թթ. արտգործնախարարությունների միջև խորհրդակցությունների պլանը»: Փաստաթղթի խորագիրն արդեն իսկ բավականին խոսուն է, երբ խոսքը ՌԴ և Ադրբեջանի մասին է, հասկանալի է՝ ինչ կարող է նշանակել «խորհրդակցություն» բառը, Բաքվի արտաքին քաղաքական որևէ նախաձեռնություն փաստորեն չի կարող կյանքի կոչվել առանց Մոսկվայի հավանության կամ գոնե իր քայլերի համար Բաքուն պետք է բացատրություն տա Կրեմլին:
Այսպիսով, եթե դիտարկենք Ադրբեջանի արտգործնախարարի վերջին այցերն ինչպես Ռիգա, այնպես էլ Մոսկվա, ապա կարելի է փաստել, որ իր վարած ներքին, ինչպես և արտաքին ագրեսիվ քաղաքականության պատճառով (բռնաճնշումներ երկրի ներսում, ուժի կիրառում Արցախի նկատմամբ, ԼՂՀ և ՀՀ շրջափակում) Բաքուն իրեն դարձրել է բավականին խոցելի ինչպես եվրոպացի, այնպես էլ ռուս գործընկերի համար: Հենց այդ է պատճառը, որ Արևմուտքը Բաքվին չի կարող իրավահավասար պայմաններ առաջարկել գործընկերության մեջ, փոխարենը նրան դիտարկում է որպես միայն էներգակիրնրի աղբյուր: Միաժամանակ Ադրբեջանի իսկ ջանքերով չկարգավորված ղարաբաղյան հակամարտությունը շարունակում է և դեռ կշարունակի ճնշման լծակ լինել Բաքվի նկատմամբ Մոսկվայի ձեռքում, ով այս խնդրին ցանկացած դիտանկյունից մոտենալիս չի կարող հաշվի չառնել ԵԱՏՄ իր գործընկեր ՀՀ շահերը:
այլ նյութեր այս թեմայով
- Ադրբեջանական զինուժը Մարտակերտի շրջանում խախտել է հրադադարը. Արցախի ՊՆ Հայկական կողմում կորուստներ չկան։
- Ի՞նչ արձանագրվեց երեկ Բրյուսելում Փորձ է արվել ցույց տալ, որ կա իրական առաջընթաց, հստակ պայմանավորվածություններ ու պլանավորված քայլեր մոտ ապագայի...
- Ադրբեջանի սադրանքն Արցախի նկատմամբ. քաղաքական ու հոգեբանական ճնշում Ի՞նչ խնդիրներ է փորձում լուծել Ադրբեջանը: Եվ ինչի՞ կարող է հանգեցնել միջազգային հանրության լռությունը:
- Նիկոլ Փաշինյանը հեռախոսազրույց է ունեցել Շառլ Միշելի հետ Վարչապետը մտահոգություն է հայտնել վերջին շրջանում Ադրբեջանի աճող ագրեսիվ հռետորաբանության և սադրիչ գործելակերպի...
- ԱՄՆ-ն լավատեսություն է արտահայտում Հայաստան-Ադրբեջան երկխոսության հետ կապված Վերջին շաբաթվա զարգացումները ցույց են տալիս, որ ՌԴ-ի և Արևմուտքի մրցակցությունը տարածաշրջանում սեփական դերի մեծացման...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 26%
Քամի՝ 2,06 կմ/ժ