ԵՐԵՎԱՆ 4 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ռամադանի խորհուրդը և ավանդույթները

Հիշեցնենք, որ մուսուլմանների համար տարվա ամենակարևոր ամիսը՝ Ռամադանը, սկսվել է հունիսի 18-ին: Այն նշվում է լուսնային օրացույցի 9-րդ ամսում: Ըստ ավանդության՝ հենց այս ժամանակ է Ջեբրայիլ հրեշտակը Մուհամեդ մարգարեին փոխանցել առաջին աստվածային հայտնությունը, որը դարձել է սուրբ գրքի՝ Ղուրանի հիմքը:

Ռամադան ամսվա ընթացքում բոլոր մուսուլմանները պահք են պահում, ինչը հանդիսանում է իսլամի հինգ հիմնասյուներից մեկը: Պահքը թույլ է տալիս մուսուլմանին ամրապնդել իր հավատքը և ավելի ճշտգրտորեն հետևել Ալլահի ցուցումներին: Պահքը սկսում են պահել 12 տարեկանից, քանի որ այս տարիքը, մուսուլմանների ավանդույթի համաձայն, համարվում է չափահասության տարիք: Ռամադանի ընթացքում մուսուլմանները պահք են պահում առավոտվա աղոթքից՝ ֆաջրից, մինչև երեկոյան աղոթք՝ մաղրիբ: Այդ ընթացքում արգելվում է սննդի և հեղուկի օգտագործումը, սեռական հարաբերությունները, համբուրվելը, սիրային բնույթի հպումները, ծխելը, թղթախաղ խաղալը: Ռամադանի ընթացքում մուսուլմանները կարող են սնունդ ընդունել միայն երկու անգամ՝ առավոտյան (սուհուր) և երեկոյան (իֆթար): Ռամադանի ընթացքում թույլատրվում է պահք չպահել միայն հղիներին, կերակող մայրերին, երեխաներին, ծերերին և հիվանդներին, ինչպես նաև ռազմական գոծողություններին մասնակցող զինվորականներին և ճանապահորդներին:

Բացի պահքից, մուսուլմանները Ռամադանին ավելի շատ են աղոթում և կարդում Ղուրան, ողորմություն բաժանում և բարեգործություն անում: Ռամադանի ժամանակ մուսուլմանները առատորեն բաժանում են սադակա՝ ինքնակամ հանգանակություն, և զաքաթ՝ պարտադիր ողորմություն: Ընդ որում՝ առաջինը պարտադիր չէ, որ լինի գումարի տեսքով:

Ռամադանի առաջին տասնօրյակը խորհրդանշում է բարձրյալի բարեգթության ընդունումը, երկրորդ տասնօրյակը՝ մեղքերից ազատումը, երրորդը՝ գեհենից փրկությունը:

Ինչպես արդեն նշեցինք, մուսուլմանները Ռամադան ամիսը ավարտում են Այդ ալ-Ֆիտր տոնով:

Այս տոնը, ինչպես նաև Ռամադանը, նշում են բոլոր մուսուլմանները՝ և՛ սունիները, և՛ շիաները: Սակայն պահքի մետեցումներում որոշ տարբերություններ այնուամենայնիվ կան: Մասնավորապես շիաները Ռամադանին նշում են ոչ միայն Ղուրանի հայտնությունը, այլ նաև նշում են իմամ Ալիի հիշատակը: Այդ ինչ կապակցությամբ շիաների համար դա նաև տխրության և սգի ամիս է:

Ըստ Եգիպտոսի աստղագիտական ազգային ինստիտուտի տնօրեն դոկտոր Աբու ալ Ալա Մուհամմադի` աստղագիտական հաշվարկներից հայտնի է դարձել, որ մուսուլմանների սուրբ ամիսը՝ Ռամադանը, այս տարի կտևի 29 օր: 

 



Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 56%
    Քամի՝ 2,06 կմ/ժ
    4 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: