ԵՐԵՎԱՆ 7 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Նախագահն ընդունել է Հայաստանի 4-րդ միջազգային բժշկական համագումարի մասնակիցների պատվիրակությանը

Նախագահ Սերժ Սարգսյանն այսօր ընդունել է Երևանում հուլիսի 1-4-ը անցկացվող Հայաստանի 4-րդ միջազգային բժշկական համագումարի մասնակիցների պատվիրակությանը:

Ողջունելով հանդիպման մասնակիցներին՝ Հանրապետության Նախագահը վստահություն է հայտնել, որ 4-րդ համագումարը ևս նախորդների նման կառանձնանա իր արդյունավետությամբ, կնախանշվեն առողջապահության ոլորտում տարբեր ուղղություններով համագործակցության նոր հեռանկարներ: Գոհունակությամբ փաստելով, որ տարեցտարի համագումարի մասնակիցների թիվը և աշխարհագրությունն ընդլայնվում է, Սերժ Սարգսյանը ոգևորիչ է համարել, որ սփյուռքում բնակվող և նշանակալի հաջողությունների հասած մեր հայրենակիցներն այսօր իրենց փորձն ու գիտելիքները ներդնում են նաև հայրենիքի առողջապահական համակարգի զարգացման գործում: Հանրապետության Նախագահը կարևորել է համագումարի պարբերաբար անցկացումը, որը, նրա համոզմամբ, հնարավորություն է տալիս հայազգի բժիշկներին՝ աշխատելու կողք կողքի և Հայաստան բերելու աշխարհում այս ոլորտի լավագույն և առաջադեմ փորձը, խթանելու բժշկագիտությունն ու բժշկական որակյալ կրթությունը՝ այդպիսով նպաստելով Հայաստանում և Արցախում բնակչության առողջության պահպանմանն ու տրամադրվող բժշկական օգնության որակի բարելավմանը:

Հանդիպման մասնակիցները Հանրապետության Նախագահին ներկայացրել են համագումարում ունեցած քննարկումների արդյունքները, փոխգործակցությունը զարգացնելու ուղղությամբ ձեռքբերված պայմանավորվածությունները, ինչպես նաև իրենց մոտեցումներն ու առաջարկությունները՝ Հայաստանի առողջապահության համակարգի արդի խնդիրների, դրանց լուծման հնարավոր ուղիների վերաբերյալ:

Զրուցակիցները համակարծիք են եղել, որ ոլորտի բարեփոխման ուղղությամբ Հայաստանում տարեցտարի արձանագրվում են որոշակի տեղաշարժեր, առանձին ուղղություններով նաև՝ զգալի առաջընթաց, սակայն ժամանակակից և որակյալ առողջապահական համակարգ ունենալու ճանապարհին դեռևս զգալի աշխատանք կա իրականացնելու, որի ուղղությամբ Հայաստանի և սփյուռքի մասնագետների ներուժի համախմբումն անհրաժեշտություն է: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 57%
    Քամի՝ 2,57 կմ/ժ
    7 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: