ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Եգիպտոսը գազ ներկրող երկրից կրկին կվերածվի արտահանողի

Եգիպտոսը 3-5 տարով կդադարեցնի գազի ներկրումը: Միջերկրական ծովում գազի խոշոր հանքավայրի հայտնաբերումը Եգիպոսին հնարավորություն կտա ինքնուրույն բավարարել վառելիքի սեփական պահանջարկը։ Այս մասին հայտարարել է Նավթի և հանքային ռեսուրսների հարցերով եգիպտական նախարարության պաշտոնական ներկայացուցիչ Համդի Աբդելազիզը:

Իտալական Eni նավթագազային ընկերությունը, որն արդեն մի քանի տարի Միջերկրականում նավթաորոնողական աշխատանքներ է իրականացնում, նախօրեին հայտարարել է, որ Միջերկրական ծովում՝ Եգիպտոսի ափերի մոտ, հայտնաբերել է գազի բավական խոշոր հանքավայր: Նշվում է, որ դա Միջերկրական ծովում հայտնաբերված ամենախոշոր գազային հանքավայրն է: Գնահատականների համաձայն՝ Zohr հանքավայրի հզորությունը կարող է կազմել մոտ 850 միլիարդ խորանարդ մետր:

Այս հանքավայրի հայտնաբերումը կենսական նշանակություն ունի Եգիպտոսի համար, որն այժմ ապրում է վերջին տասնամյակների ընթացքում ամենալուրջ էներգետիկ ճգնաժամը: Իտալական ընկերությունում համոզված են, որ հանքավայրի ամբողջական շահագործման դեպքում այն մի քանի տասնամյակ կբավարարի Եգիպտոսի գազի աճող պահանջարկը: Մասնագետները կարծում են, որ այս հանքավայրի հայտնաբերումը թույլ կտա Եգիպտոսին գազ ներկրող երկրից կրկին վերածվել արտահանողի:

Մուբարաքի իշխանության տարիներին Եգիպտոսը գազ էր արտահանում Իսրայել և Հորդանան, սակայն վերջին շրջանում գազատարարի վրա իրականացված ահաբեկչությունների արդյունքում գազի մատակարարումը պարբերաբար ընդհատվում էր: Նոր հանքավայրը գտնվում է համեմատաբար անվտանգ շրջանում, և հնարավոր է, որ առաջիկա տարիներին Եգիպտոսն ընդլայնի գազի մատակարարման աշխարհագրությունը՝ գազ արտահանելով նաև եվրոպական որոշ երկրներ:

Նշենք, որ նոր հանաքավայրը կարող է ազդել նաև Իսրայելի շուկայի վրա, քանի որ նախկինում նախատեսված էր գազամատակարարումն ապահովել իսրայելական «Լևիաֆան» հանքավայրից, որի պաշարները ի դեպ 40 տոկոսով զիջում են եգիպտականին:

Zohr հանքավայրի հայտնաբերումը մեծապես կնպաստի Եգիպտոսի տնտեսության զարգացմանը, որը բավականին տուժել է վերջին չորս տարիների քաղաքական անկայունության հետևանքով: Նախատեսվում է, որ այս հանքավայրի, ինչպես նաև Սուեզի ջրանքի նոր հունի շահագործումը օտարերկրյա ներդրուներ կբերեն երկրի: Հենց վերջիններիս առկայությունն էր ժամանակին թույլ տալիս Մուբարաքին իրավիճակը երկրում ինչ-որ չափով վերահսկելի պահել:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 28%
    Քամի՝ 1,54 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: