ԵՐԵՎԱՆ 12 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Չինահայ համայնքը կրթաթոշակ կտրամադրի չինացի ուսանողներին՝ Հայաստանում սովորելու համար

Չինաստանի հայկական համայնքը տեղեկացնում է, որ 2015 թ. սեպտեմբերի 29-ին Երևանում Չինաստանի հայկական համայնքի (Չինահայ) նախագահ Հենրի Արսլանյանը և Հայաստանի ամերիկյան համալսարանի (ՀԱՀ) նախագահ Արմեն Դեր Կյուրեղյանը Փոխըմբռնման հուշագիր ստորագրեցին, ըստ որի չինացի ուսանողներին կտրամադրվի կրթաթոշակ` ՀԱՀ-ում սովորելու համար:

2016թ.-ից Չինաստանի հայկական համայնքը կրթաթոշակ կտրամադրի այն չինացի ուսանողներին, ովքեր կցանկանան ուսումը շարունակել Հայաստանում: Կրթաթոշակը կներառի թռիչքի, առողջությունն ապահովագրելու և Հայաստանում ապրելու ծախսերը: ՀԱՀ-ն իր հերթին ևս կտրամադրի կրթաթոշակ, որը կծածկի ուսման վարձը: Չինահայ համայնքի և ՀԱՀ-ի միացյալ ջանքերը կօգնեն չինացի ուսանողների շրջանում հետաքրքրություն առաջացնել ՀԱՀ-ի նկատմամբ, այն հայտնի դարձնել, ինչպես նաև այս նախադեպը ևս մեկ խթան կարող է հանդիսանալ՝ Արևելյան Ասիայից ուսանողներ հրավիրելու համար:

Հենրի Արսլանյանը նշեց. «Մենք հպարտությամբ ենք առաջարկում այս կրթաթոշակը մեր չինացի ընկերներին:Սա նաև շնորհակալական քայլ կլինի՝ ուղղված մեր չինացի ընկերներին, ովքեր դարեր շարունակ ընդունում են հայերին: Մենք հավատում ենք կրթության ուժին և հուսով ենք, որ այս կրթաթոշակը կքաջալերի տաղանդավոր չինացի ուսանողներին ուսումը շարունակել Հայաստանում: Չինաստանի հայկական համայնքի գաղափարական հիմնաքարերն են անկախությունը, թափանցիկությունը, կառավարումը: Մեր նպատակն է՝ դառնալ գերազանց հայկական կազմակերպություն, որը լավ օրինակ կհանդիսանա ապագա սերունդների համար։ Մենք հպարտ ենք, որ համագործակցում ենք միևնույն գաղափարաները կիսող ՀԱՀ-ի հետ»:

 ՀԱՀ-ի ղեկավարներից Ռանդալլ Ռհոդեսը նշեց, որ ՀԱՀ-ը տեղակայված է նախկին ԽՍՀՄ-Իրան խաչմերուկում և կարող է հրապուրիչ դառնալ Չինաստանի և Արևելյան Ասիայի ուսանողների համար: Արտասահմանցի ուսանողները կարող են հետազոտել տարածաշրջանային զարգացումները, ապրել անվտանգ միջավայրում, սովորել ԱՄՆ-ի կողմից հավատարմագրված բուհում:

In English

Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 58%
    Քամի՝ 1,54 կմ/ժ
    12 C°
     
    26°  16° 
    21.04.2024
    24°  14° 
    22.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: