Ո՞ր երկրների քաղաքացիներն են գլխավորում Ադրբեջանի «սև ցուցակը»
Ադրբեջանական ԶԼՄ-ների տվյալներով՝ այդ երկրի ԱԳՆ «սև ցուցակում» ներառվել է 49 երկրի 501 քաղաքացի: Այս ցուցակում հայտնվում են որոշակի ճանաչում ունեցող այն անձիք, ովքեր այցելում են Լեռնային Ղարաբաղի Հանրապետություն:
Հատկանշական է, որ «Սև ցուցակը» գլխավորում են ԵԱՀԿ Մինսկի խմբի համանախագահող երկրները և մի շարք եվրոպական երկրներ: Այսպես, այդ ցուցակում ներառված անձանց մեծ մասը՝ 133 հոգի հանդիսանում են Ռուսաստանի քաղաքացիներ, որոնց թվում են խորհրդարանականներ, պետական պաշտոնյաներ, մշակութային գործիչներ, լրագրողներ, գործարարներ: Երկրորդ տեղում է ԱՄՆ-ը, որի 41 քաղաքացի է հայտնվել այդ ցուցակում: Գերմանիան ադրբեջանական «սև ցուցակում» հայտնված 38 քաղաքացիներով եզրափակում է առաջատարների եռյակը:
Նշվում է, որ ցուցակում հայտնվել են նաև Իտալիայի 36 և Ֆրանսիայի 30 քաղաքացի: Ընդ որում՝ ցուցակում հայտնված իտալացիների մեծամասնությունը արվեստի գործիչներ են, իսկ ֆրանսիացիների հիմնական մասը՝ քաղաքական:
Ադրբեջանի սև ցուցակում ունեցած քաղաքացիների թվով տասնյակում է հայտնվել նաև Մեծ Բրիտանիան՝ 19 մարդ, և Շվեյցարիան՝ 10 մարդ: Նշվում է նաև, որ Ադրբեջանի հետ ցամաքային սահման ունեցող երկրներից Արցախ «անօրինական» կերպով այցելել է 16 մարդ. 11-ը՝ Վրաստանից, 2-ը՝ Թուրքիայից և 3-ը՝ Իրանից:
Վիճակագրության համաձայն՝ վերջին երկու տարվա ընթացում Ադրբեջանի ԱԳՆ սև ցուցակը բավականին ընդլայնվել է: 2013 թվականի օգոստոսին, երբ ԱԳՆ հրապարակեց ողջ ցուցակը, նրանում հաշվում էր 335 մարդ:
Նման միտումն, անշուշտ, խոսում է այն մասին, որ Լեռնային Ղարաբաղի Հանրապետության սուբյեկտայնության միջազգային ճանաչելիությունը բավականին բարձրացել է վերջին շրջանում: Հարկ է նշել նաև, որ Ադրբեջանի «սև ցուցակում» հայտնվում են ԼՂՀ այցելած ոչ բոլոր օտարերկացիները: Ցուցակից դատելով՝ պարզ է դառնում, որ այն վերաբերում է միայն հայտնի մարդկանց և պաշտոնական պատվիրակություններին: Ընդ որում, վերջիններիս միայն այն մասն է հայտնվում ցուցակում, որոնց այցը լուսաբանվել է լրատվամիջոցներում:
Ավելացնենք նաև, որ ադրբեջանական ԱԳՆ-ում նշում են, որ այդ ցուցակը «հավերժական չէ, այն ճկուն է», և եթե անձը «զղջում է իր արարքի համար, գիտակցում է իր այցի անօրինականությունը և դիմում է Ադրբեջանի համապատասխան մարմիններին բացատրություններով, ապա ադրբեջանական կողմը պատրաստ է դիտարկել այդ անձին ցուցակից հանելու հարցը»: Այս ընթացակարգով 2013 թվականի նոյեմբերին ադրբեջանական ԱԳՆ ցուցակից հանել էր իտալացի հայտնի երգիչ Al Bano-ին, ով հայտնվել էր ցուցակում 2010 թվականին:
Ադրբեջանի սև ցուցակում հայտնված հայտնի անձանց թվում են Մեծ Բրիտանիայի Լորդերի պալատի անդամ բարոնուհի Քերոլայն Կոկսը (2011), ռուսաստանցի երգիչ Բեդրոս Կիրորովը (2011), օպերային հայտնի երգչուհիներ Մոնսերատ Կաբալյեն (2013, Իսպանիա) և Լյուդմիլա Կազարնովսկայան (2015 Ռուսաստան), ռուսաստանցի հայտնի գործարար Գերման Ստելիգովը և այլոք:
Հատկանշական է, որ ցուցակում հայտնված մարդիկ բավականին անտարբեր են հետագայում Ադրբեջան այցելելու արգելքի հետ կապված: Նրանցից ոմանք Բաքվի այս քայլը որակում են որպես «մեծ անհեթեթություն», «ինքնասպանություն», որի արդյունքում ավելի է մեծանում Արցախ այցելելու ցանկությունը և ԼՂՀ մասին իրազեկվածությունը: Որոշ պաշտոնական շրջանակներ էլ մեղադրում են Ադրբեջանին հակամարտության բոլոր կողմերի դիրքորոշմանը ծանոթանալուն խանգարելու համար:
Նշենք, որ հակամարտող կողմերը հաճախ են կիրառում երկիր մուտքի արգելքը, սակայն դա կիրառվում է ոչ միայն հայտնի մարդկանց և պաշտոյանների նկատմամբ, ինչպես Ադրբեջանի դեպքում, այլ թշնամական երկիր այցելած բոլոր մարդկանց նկամամբ: Դրա վառ օրինակներից է Իսրայելը, որն արգելում է իր երկիր այցելել ինչպես սիրիացիներին, այնպես էլ Սիրիա այցելած բոլոր օտարերկրացիներին:
այլ նյութեր այս թեմայով
- Ադրբեջանական զինուժը Մարտակերտի շրջանում խախտել է հրադադարը. Արցախի ՊՆ Հայկական կողմում կորուստներ չկան։
- Ի՞նչ արձանագրվեց երեկ Բրյուսելում Փորձ է արվել ցույց տալ, որ կա իրական առաջընթաց, հստակ պայմանավորվածություններ ու պլանավորված քայլեր մոտ ապագայի...
- Ադրբեջանի սադրանքն Արցախի նկատմամբ. քաղաքական ու հոգեբանական ճնշում Ի՞նչ խնդիրներ է փորձում լուծել Ադրբեջանը: Եվ ինչի՞ կարող է հանգեցնել միջազգային հանրության լռությունը:
- Նիկոլ Փաշինյանը հեռախոսազրույց է ունեցել Շառլ Միշելի հետ Վարչապետը մտահոգություն է հայտնել վերջին շրջանում Ադրբեջանի աճող ագրեսիվ հռետորաբանության և սադրիչ գործելակերպի...
- ԱՄՆ-ն լավատեսություն է արտահայտում Հայաստան-Ադրբեջան երկխոսության հետ կապված Վերջին շաբաթվա զարգացումները ցույց են տալիս, որ ՌԴ-ի և Արևմուտքի մրցակցությունը տարածաշրջանում սեփական դերի մեծացման...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 27%
Քամի՝ 1,03 կմ/ժ