ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԵԱՏՄ-ն ուսումնասիրելու է Իրանի հետ ազատ առևտրի գոտի ստեղծելու հնարավորությունները

Ռուսաստանի նախագահն ավարտել է վերջին 8 տարվա ընթացքում իր առաջին այցն Իրան: Տարածաշրջանային ակտիվ զարգացումների ֆոնի վրա Իրան-Ռուսաստան երկկողմ բանակցություններն առանձնակի կարևորություն ունեն:

Ռուսական TASS գործակալությունը հայտնում է̦ որ Ռուսաստանի նախագահ Վլադիմիր Պուտինի և Իրանի նախագահ Հասան Ռոհանիի հանդիպման արդյունքում մի շարք երկկողմ պայմանագրեր են կնքվել: ՌԴ էներգետիկայի նախարար Ալեքսանդր Նովակը լրագրողներին հայտնել է̦ որ քննարկել են գազի փոխանակման գործարքները: Պուտինն ասել է̦ որ Ռուսաստանը մտադիր է 2035 թվականին գազի արտադրության ծավալն ավելացնել 40 տոկոսով:

Վլադիմիր Պուտինը հայտարարել է̦ որ ԵԱՏՄ-ն սկսելու է ուսումնասիրել Իրանի հետ ազատ առևտրի գոտի ստեղծելու հնարավորությունները̦ հայտնում է Կրեմլի մամլո ծառայությունը:

«Ակտիվացվելու է արդյունաբերական փոխգործակցությունը: Ռուսաստանը պատրաստ է այս նպատակի համար 5 միլիարդ դոլար պետական վարկ տրամադրել»̦ - ասել է Ռուսաստանի նախագահը` հավելելով̦ որ կողմերի միջև շարունակվելու է համագործակցությունը նաև ատոմային էներգետիկայի բնագավառում:

Չնայած վերոնշյալ հարցերի կարևորությանը` միջազգային հանրության ուշադրությունը սևեռված էր սիրիական ճգնաժամի շուրջ քննարկումների վրա: Կողմերը պայմանավորվել են շարունակել ահաբեկչության դեմ պայքարի համակարգումը: Այս տեսանկյունից հատկապես կարևոր էր Պուտինի և Իրանի հոգևոր առաջնորդ Ալի Հոմենեիի հանդիպումը: Ինչպես ընդգծում է Lenta.ru-ն̦ Պուտինն ու Հոմենեին վերջին անգամ հանդիպել են 2007 թվականին: Դա ռուս ղեկավարի առաջին այցն է եղել Թեհրան այն բանից հետո̦ երբ 1943 թվականին Իոսիֆ Ստալինը վերջին անգամ այցելել էր Իրանի մայրաքաղաք:

Թե ինչի մասին են մեկ ժամից ավել տևած հանդիպման ժամանակ խոսել Պուտինն ու Հոմենեին̦ լրագրողներին պատմել է ՌԴ նախագահի մամլո քարտուղար Դմիտրի Պեսկովը: Խոսակցությունը վերաբերվել է հատկապես Սիրիային: Կողմերը համակարծիք են եղել̦ որ Բաշար Ասադի ապագան կարող են որոշել միայն սիրիացիները: Հոմենեին ընդգծել է̦ որ ԱՄՆ-ը իրավունք չունի արհամարհել Սիրիայի ժողովրդի ձայնը: Իրանի հոգևոր առաջնորդի կարծիքով տարածաշրջանում գերիշխելու ԱՄՆ-ի ձգտումը սպառնում է Իրանին և Ռուսաստանին:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 93%
    Քամի՝ 0 կմ/ժ
    5 C°
     
    12°   
    20.03.2024
    14°   
    21.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: