Մեծ Բրիտանիայում հանրաքվեի մասնակցության շատ բարձր ցուցանիշ է գրանցվել

• 23.06.2016, 23:59
•  Եվրոպա,  Աշխարհ

ԵՄ–ից Մեծ Բրիտանիայի դուրս գալու հարցով հանրաքվեին մասնակցությունը շատ բարձր է։ Միջազգային խորհրդատվական Dods Training ընկերության դիտորդներն արձանագրել են, որ ընտրողները ակտիվ գնում են քվեարկելու, երբեմն անգամ հերթեր են գոյանում։

Ուժեղ անձրևի պատճառով որոշ ընտրատեղամասերի մոտ մարդկային կուտակումներ են առաջանում: Երկու տեղամաս էլ նույնիսկ փակվել է վատ եղանակի արդյունքում:

Փորձագետների կարծիքով քվեարկության արդյունքն անմիջականորեն կախված է ընտրողների ներկայությունից։ Եթե այն հատի 60 տոկոսի շեմը, դա կնշանակի Brexit–ի ընդդիմադիր ճամբարի հաղթանակ։

Ինչևէ, ընտրության առաջին արդյունքները պարզ կդառնան տեղական ժամող գիշերվա 02.00-ի մոտ, իսկ մեր ժամով՝ 05.00-ին, իսկ արդեն պաշտոնական վերջին տվյալները կհայտարարվեն ուրբաթ օրը կեսգիշերին: