Երևանից ժամանած բժիշկները Ստեփանակերտում կիրականացնեն անվճար ընդունելություն

• 28.07.2016, 12:20
•  Աշխարհ,  ԼՂՀ

artsakhpress.am

Ստեփանակերտի «Հանրապետական բժշկական կենտրոն» ՓԲԸ պոլիկլինիկական բաժանմունքում հուլիսի 29-31-ը ժամը 10:00-ից անվճար կիրականացվի հիվանդների ընդունելություն, խորհրդատվություն, սոնոգրաֆիկ հետազոտություն, ինչպես նաև ազգաբնակչության սկրինինգ հետազոտություն վիրուսային հեպատիտ C-ի նկատմամբ, հայտնում է Artsakh Press-ը:

ԼՂՀ  առողջապահության նախարարությունից տեղեկացնում են, որ գերատեսչության հատուկ հրավերով` նվիրված հեպատիտների դեմ պայքարի և իրազեկության միջազգային օրվան, Ստեփանակերտ կժամանեն Հայաստանի Հանրապետության «Նորք» ինֆեկցիոն հիվանդանոցի հեպատոլոգիայի բաժանմունքի վարիչ, բժշկական գիտությունների թեկնածու, լյարդաբան Հասմիկ Լևոնի Ղազինյանը և մի խումբ լյարդաբաններ: