Էրդողանի նստավայրի պաշտպանության համար կներառվեն ՀՕՊ համակարգեր

• 28.07.2016, 17:25
•  Տարածաշրջան,  Աշխարհ

awdnews.com

Թուրքիայում տեղի ունեցած ռազմական հեղաշրջման փորձից հետո որոշում է կայացվել ուժեղացնել նախագահական պալատի անվտանգությունը: Այս մասին հաղորդում է Ermenihaber-ը՝ հղում կատարելով Haberler.com լրատվական կայքին:

Նշվում է, որ Էրդողանի նստավայրի պաշտպանության գործում ներառվելու են գերժամանակակից ռազմատեխնիկական միջոցներ, այդ թվում` հակաօդային պաշտպանության համակարգեր (ՀՕՊ):  Քննարկման փուլում է գտնվում նախագահական պալատի պաշտպանության համար օգտագործվող սպառազինության մեջ ներառել նաև «Korkut» անվանումը ստացած թուրքական արտադրության հրետանային կայանք:

Նշվում է նաև, որ ամբողջությամբ կլուծարվի նստավայրի պահպանությունն իրականացնող «Muhafız» գունդը: Վերջինի գործառույթներն արդեն կատարում են ոստիկանության հատուկ նշանակության ջոկատն ու նախագահականի թիկնազորը: