Լոնդոնում բացվել է 20-րդ դարի լավագույն լուսանկարիչներից մեկի՝ հայազգի Յուսուֆ Քարշի ցուցահանդեսը (լուսանկարներ)

• 27.09.2016, 18:37
•  Եվրոպա,  Մերձավոր Արևելք,  Աշխարհ,  Սփյուռք

fototips.ru

Լոնդոնում բացվել է կանադահայ լուսանկարիչ Յուսուֆ Քարշի աշխատանքները ցուցադրությունը: Իր բազմամյա կարիերայի ընթացքում Ալբերտ Էյնշտեյնից մինչև Մարթին Լյութեր Քինգը լուսանկարած Քարշը Ցեղասպանությունից մազապուրծ լինելուց հետո հաստատվել է Քվեբեկում՝ դառնալով 20-րդ դարի լուսանկարչական արվեստի մեծագույն վարպետներից մեկը, այս կապակցությամբ գրում է բրիտանական The Guardian-ը:

Պարբերականը գրում է, որ Քարշի ընտանիքը Հայոց ցեղասպանությունից փախել է Սիրիա՝ որպես միակ ունեցվածք իր հետ տանելով մի էշ: Քարշի քեռին, ով ապրում էր Քվեբեկում, նամակ է գրում Յուսուֆի ընտանիքին՝ հայտնելով, որ իրեն օգնական է պետք իր լուսանկարչական ստուդիայում: Այսպիսով, 16-ամյա Յուսուֆը մեկնում է Քվեբեկ: Դրան հաջորդում է Յուսուֆի՝ լուսանկարչության գծով ուսումնառությունը Բոստոնում: Այնուհետև Քարշը տեղափոխվել է Օտտավա ու սկսել լուսանկարել այնտեղ այցելող հայտնիներին: Լուսանկարչի կարիերայում բեկումնային պահ է եղել Մեծ Բրիտանիայի նախկին վարչապետ Ուինսթոն Չերչիլին լուսանկարելը, այդ լուսանկարը հայտնվել է Time ամսագրի շապիկին: Նշվում է, որ Չերչիլի հետ այդ նույն ֆոտոսեսիայից մեկ այլ լուսանկար զարդարում է 5 ֆունտ ստերլինգ արժեքով նոր թղթադրամը:

Յուսուֆ Քարշի պատվին է ավանակոչվել Արեգակին ամենամոտ գտնվող մոլորակի՝ Մերկուրիի հրաբխային խառնարաններից մեկը:

Լուսանկարները՝  Yousuf Karsh/Camera Press/Guardian

Համֆրի Բոգարտ, 1946թ.

Գրեյս Քելի, 1956թ.

 Ջորջ Բեռնարդ Շոու, 1943թ.

Օդրի Հեփբերն, 1956թ.

Էռնեստ Հեմինգուեյ, 1956թ.

Մարթա Գրեհեմ, 1948թ.

Ջորջիա Օ'Կիֆի, 1972թ.