Ստամբուլահայ կոմպոզիտոր Ջերրի Խրիմյանը քայլերգ է գրել՝ նվիրված Թուրքիայի հեղաշրջման փորձին

• 25.10.2016, 15:05
•  Տարածաշրջան,  Աշխարհ

ermenihaber.am

Թուրքիայում բնակվող հայ կոմպոզիտոր Ջերրի Խրիմյանը քայլերգ է գրել` նվիրված Թուրքիայում հուլիսի 15-ին տեղի ունեցած հեղաշրջման փորձի տապալմանը:

Ինչպես հաղորդում է Ermenihaber-ը՝ հղում կատարելով թուրքական «F5haber.com» լրատվական կայքին՝ Խրիմյանի գրած քայլերգը Ստամբուլում ապրող քրիստոնիայի հայացքն է՝ հուլիսի 15-ի գիշերը տեղի ունեցածին: Երգահանը պատմել է, որ քայլերգի բառերը սկսել է գրել հենց այդ գիշեր՝ դեպքի վայրից տուն վերադառնալուց հետո: Նրա խոսքով՝ ինքն ականատես է եղել զինվորականների կողմից ժողովրդի նկատմամբ իրականացվող դաժանություններին:  

Խրիմյանը ցանկություն է հայտնել, որ իր ստեղծագործությունը հնչեցնի Թուրքիայի նախագահ Ռեջեփ Թայիփ Էրդողանի մասնակցությամբ որևէ պետական միջոցառման ժամանակ: