Ռոգոզինը մեկնում է Բաքու՝ քննարկելու Հայաստանին «Իսկանդերների» մատակարարումը․ Коммерсантъ

• 15.12.2016, 10:38
•  Տարածաշրջան,  Աշխարհ

news.day.az

ՌԴ փոխվարչապետ Դմիտրի Ռոգոզինը աշխատանքային այցով մեկնում է Բաքու, որտեղ կայանալու է ռուս-ադրբեջանական միջկառավարական հանձնաժողովի նիստ, ինչպես նաև Ադրբեջանի նախագահ Իլհամ Ալիևի հետ հանդիպում:

Ինչպես գրում է Kommersant թերթը, «քննարկման հիմնական թեման լինելու է Ռուսաստանի կողմից Ադրբեջանի աշխարհաքաղաքական գլխավոր հակառակորդին՝ Հայաստանին, «Իսկանդեր-Մ» օպերատիվ-մարտավարական հրթիռային համալիրների մատակարարումը»։

Ինչպես հայտնել է թերթի աղբյուրը «ռուս բանակցողների հիմնական խնդիրներից մեկը կլինի պարզաբանելի Ռուսաստանի դիրքորոշումը՝ կապված այս տարի Հայաստանին «Իսկանդեր-Մ» օպերատիվ-մարտավարական հրթիռային համալիրներ մատակարարելու հետ։  Ադրբեջանցի գործընկերները շատ բացասական են արձագանքել իրադարձությունների նման զարգացմանը՝ Լեռնային Ղարաբաղի հակամարտության համատեքստում»։