ԵՐԵՎԱՆ 7 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 671,81 դրամ ԱՐԾԱԹ - 263,87 դրամ ՊԼԱՏԻՆ - 15 655,42 դրամ

Հոգեբան. հետտոնական սթրեսի հիմնական պատճառը չարդարացված սպասելիքներն են (ԲԱՑԱՌԻԿ)

«Արմեդիա» ՏՎԳ-ն ներկայացնում է բացառիկ հարցազրույց ԵՊԲՀ բժշկական հոգեբանության ամբիոնի ավագ դասախոս, Հոգեսոցիալական կարգավորման կենտրոնի հոգեբան, հ.գ.թ., դոցենտ Սոնա Հարությունյանի հետ:

 

 

- Հետտոնական շրջանում մարդկանց մոտ շատ հաճախ առաջանում են սթրեսային վիճակներ: Ըստ Ձեզ, որո՞նք են դրա հիմնական պատճառները:

- Առաջին հերթին այն, որ տոների ռիթմը տարբերվում է առօրյա կյանքից (օրինակ, փոխվում է սնվելու, քնելու, հանգստի ժամանակացույցը), և բնական է, որ տոներից հետո օրգանիզմին պահանջվում է ադապտացիա: Հոգեբանական տեսանկյունից հետտոնական սթրեսի պատճառ կարող են լինել նաև  չարդարացված սպասելիքները, չէ՞ որ նախատոնական փուլում որոշակի ակնկալիքներ կան Ամանորից: Ցանկալի է, որ սպասելիքները համապատասխանեն իրականությանն ու սեփական հնարավորություններին`  սթրեսից զերծ մնալու համար:

- Ինչպե՞ս պայքարել հետտոնական սթրեսի դեմ:

- Հետտոնական սթրեսը նվազեցնելու համար անհրաժեշտ է տոների ընթացքում խուսափել ռեժիմի կտրուկ փոփոխություններից, հետևել ճիշտ սննդակարգին, հնարավորինս դրական լիցքեր ստանալ և փոխանցել նաև հարազատներին, ամանորյա սպասելիքների հարցում ուշադիր լինել` անհավանական սպասելիքները հաճախ սթրեսի, հիասթափության են հանգեցնում: Ձգտեք նաև տոները կազմակերպել սեփական հոգեբանական և ֆինանսական ռեսուրսներին համապատասխան` հետտոնական սթրեսի ռիսկը կանխելու համար:

 - Ի՞նչ խորհուրդ կտաք մարդկանց, որպեսզի 2017թ-ը նրանց համար լինի հոգեպես հավասարակշռված տարի:

- Հավասարակշռված լինելու համար անհրաժեշտ է հոգեբանական անվտանգություն, որտեղ առաջնային է սեփական երկրում պաշտպանված և երջանիկ լինելու գործոնը:

Հուսով եմ, որ 2017թ-ը կնպաստի երկրի խաղաղության և արդարության մթնոլորտին, կպարգևի անսահման սեր և ներդաշնակություն հայ ընտանիքներին: Բարի և դրական Ամանոր եմ մաղթում:  


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 58%
Քամի՝ 6.44 կմ/ժ
7 C°
 
   
25.01.2018
   
26.01.2018
Հարցում

Արդյո՞ք ԱՄՆ-ն և/կամ Ռուսաստանը կփորձեն կանգնեցնել Թուրքիայի ագրեսիվ գործողությունները Սիրիայում: