«Ստեփանակերտի շրջափակման ճեղքումը. 25 տարի անց». քաղաքական, ռազմական, իրավական և սոցիալական ասպեկտներ
Փետրվարի 15-ին Երևանում անցկացված «Ստեփանակերտի շրջափակման ճեղքումը. 25 տարի անց» թեմայով աշխատաժողովի ընթացքում քննարկվեցին Ղարաբաղյան համակարտության տարբեր ասպեկտները՝ քաղաքական, ռազմական, իրավական, և սոցիալական:
Արցախյան համակարտությունում մարդու իրավունքների խնդիրներին անդրադարձավ Իրավունքի և քաղաքականության ինստիտուտի տնօրեն Լարիսա Ալավերդյանը:
Խոսելով մարդու իրավունքների խախտման մասին` Լարիսա Ալավերդյանը կարևորեց հստակեցումը՝ ովքե՞ր են այդ խախտումների սուբյեկտները. «Ոմանք պնդում են, որ դրանք ԽՍՀՄ կողմից են իրականացվել և Ադրբեջանը դարձել է դրանց զոհ, մյուսները, որ դրանք իրականացվել են Ադրբեջանի կողմից: Ես կցանկանայի նշել, որ մարդու իրավունքների խախտումներն իրականացվել են ԽՍՀՄ կողմից ղեկավարության կողմից, անկասկած, Ադրբեջանի ջանքերով ու նախաձեռնությամբ: Կցանկանայի հիշել Յուրի Գեորգևիչ Բարսեղովի խոսքերը, ով հստակ բնորոշել է Ադրբեջանին՝ էքսպանսիոնիստական հակումներով Թուրքիայի կլոն»: Ալավերդյանն Ադրբեջանի վարքագիծը բնորոշեց փոխված. այն, ինչ գաղտնի էր ԽՍՀՄ շրջանում, դարձել է բացահայտ՝ սկսած 1988 թվականից. «ավելի վաղ, քան «Իսլամական պետությունը», Ադրբեջանը ցուցադրեց իր հավատարմությունը բարբարոսական վարքագծին: Ես զարմանում եմ, որ ապրիլյան իրադարձությունների ընթացքում գրանցված դաժանությունների վրա զարմացողներ կան, իսկ ի՞նչն է զարմանալին»,- շեշտեց Լարիսա Ալավերդյանը:
Աշխատաժողովին Ստեփանակերտի պաշարման լոգիստիկ տրամաբանության մասին զեկույցով հանդես եկավ ռազմական փորձագետ Կարեն Վրթանեսյանը:
Փորձագետի դիտարկման համաձայն, հիմնականում դիտարկվում են գործողությունների հումանիտար բնույթը, սակայն շատ ավելի լայնածավալ գործողություններ են իրականցվել լոգիստիկ հարթությունում՝ ճնշումների ենթարկելով Արցախի բնակչությանը: 1988-ից ի վեր եղած շատ գործողություններ կանխամտածված էին Ադրբեջանի խորհրդային իշխանությունների կողմից: «Այնպես էր արվել, որ դեպի Ստեփանակերտ ու Ստեփանակերտից դուրս եկող բոլոր ճանապարհներն այսպես թե այնպես անցնեն ադրբեջանական բնակավայրերով: Այդ ամենի արդյունքում, երբ Խորհրդային միության բռունցքը թուլացավ, այդ ամենն արտացոլվեց ճանապարհների, առհասարակ ենթակառուցվածքների վերահսկողության վրա»:
Ապրիլյան քառօրյա պատերազմի մասին խոսեց Կովկասի ինստիտուտի փոխտնօրեն Սերգեյ Մինասյանը: Ապրիլյան պատերազմը Կովկասի ինստիտուտիփոխտնօրենը գնահատեց, որպես Ադրբեջանի իշխանությունների կողմից ձեռնարկված բավական փոքրամասշտաբ գործողությունների փորձ, որն արվեց բարդ արտաքին և ներքին գործոնների ազդեցության տակ, այդ թվում՝ Ադրբեջանի ներքին քաղաքական ու տնտեսական բավական անհանգստացնող իրավիճակի: Ադրբեջանի իշխանությունների նպատակը հանկարծակիության շնորհիվ կարճ ժամանակահատվածում որոշակի տարածքային, ռազմաքաղաքական և այլ արդյունքների ձեռքբերումն էր, բայց ոչ երբեք լայնածավալ գործողությունների վերսկսումը, որոնք կարող էին հայկական կողմերից պատասխան քայլի հանգեցնել: Չնայած ժամանակային, տեղի և այլ առավելություններին, ադրբեջանական կողմը չհասավ ցանկալի արդյունքների: «Այսօր մենք ունենք նոր, ավելի մեծ ռազմական էսկալացիայի վտանգ, քանի որ Ադրբեջանի իշխանություններն իրենց երկրում ստեղծված լարվածության պատճառով, այլ ելք չունեն»,- ամփոփեց Սերգեյ Մինասյանը:
Ռազական գործողությունների անհրաժեշտության կոնցեպտի մասին խոսեց Միջազգային և համեմատական իրավունքի կենտրոնի հիմնադիր անդամ Լևոն Գևորգյանը. «Ռազմական գործողությունները հանգեցնում են երկու ֆունդամենտալ երևույթների, որոնք շահարկվում են լրատվամիջոցների կողմից: Դրանք են, առաջին հերթին, ռազմական գործողությունների անհրաժեշտության կոնցեպցիան և համաչափության սկզբունքը: Առաջին կոցեպտը ենթադրում է այն հանգամանքը, որ ռազմական գործողությունների ժամանակ հակառակորդ կողմերից յուրաքանչյուրին կարող է տրվել հնարավորություն՝ ոչնչացնելու մյուս կողմի ցանկացած թիրախ, չխախտելով ռազմական իրավունքը: Համաչափության սկզբունքը ենթադրում է, որ ռազմական գործողությունների ժամանակ կարող են լինել ռազմական տեսանկյունից արդարացված քաղաքացիական զոհեր»: Իր խոսքի ընթացքում Լևոն Գևորգյանը բերեց երկու սկզբունքների կիրառական օրինակներ տարբեր կոնֆլիկտներից, ինչպես նաև ներկայացրեց ռազմական սխալի էությունն ու դրա գնահատման մեխանիզմները:
Հակամարտության հաղթահարման գործում խորհրդարանական դիվանագիտութան դերի մասին զեկույցով հանդես եկավ ՀՀ ԱԺ պատգամավոր Թևան Պողոսյանը: Պատգամավորը խոսեց խորհրդարանական դիվանագիտության՝ Հայաստանում ձևավորման ակունքների մասին: Պատգամավորն ընդգծեց այն գործողությունների կարևորությունը, որոնք պետք է լինեն խորհրդարանական դիվանագիտության ընթացքում ձևավորված «առաջնագծում»: Պողոսյանը, մասնավորապես, ընդգծեց այնպիսի գործիքների ստեղծումն, ի դեմս հոդվածների աուդիո և վիդեո նյութերի, որոնք իրականությունը տեսանելի կդարձնեն:
Սոցիալական մեդիայի դերի ու նշանակության մասին խոսեց մեդիափորձագետ Սամվել Մարտիրոսյանը: Կոնֆլիկտային հանրություններում սոցիալական մեդիան կարևորվել է՝ որպես նշանակալի գործիք կոնֆլիկտային հասարակությունների միջև ինֆորմացիոն երկխոսության հաստատման համար: Նույնիսկ հայ-ադերբեջանական կոնֆլիկտի շրջանակներում, որն իսկապես ունիկալ հակամարտություն է, սոցիալական մեդիայի գործիքը կիրառվել է՝ որպես հասարակությունների կամուրջ: Իրավիճակն, ըստ մեդիափորձագետի, կտրուկ փոխվեց Իլհամ Ալիևի՝ իշխանության գալով: Իշխանություններն իրենց հսկողության տակ առան հայ-ադրբեջանական հասարակությունների երկխոսության բոլոր հնարավոր օղակները: Այսօր արդեն ադրբեջանական պետական հովանու ներքո աշխատող երիտասարդներ կան, ովքեր համակարգիչների առաջ զբաղվում են ինտերնետային լեզվով ասած, ատելության տարածմամբ:
Ռազմական հանցագործությունների քաղաքական հնարավոր նպատակների մասին խոսեց քաղաքագետ Հրանտ Մելիք-Շահնազարյանը: Ըստ նրա՝ ռազմական հանցագործությունները մշտապես ուղեկցվել են Արցախյան համակարտության ողջ ընթացքին. «Ապրիլյան պատերազմի երկու կարևորագույն էպիզոդները, քաղաքացիական բնակչության մասով, Թալիշում սպանված ծերունիների և Մարտունիում զոհված դպրոցականի դրվագներն են, այսինքն՝ իրողություններ, որոնք հերթական անգամ հիշեցնում են՝ ինչն է Ադրբեջանի ռազմական ուժերի թիրախում: Քաղաքացիական բնակչությունը, լինի դա երեխա, թե տարեց մարդ, ով տեղափոխվելու հնարավորություն չունի: Ադրբեջանի կողմից իրականացված ռազմական հանցագործությունների նպատակն էր վախեցնել մարդկանց և հասկացնել, որ իրենք իրենց բնակավայրերում չեն կարող հանգիստ ապրել: Սա քաղաքականություն է, որն ուղղված է ոչ միայն հայերին ահաբեկելուն, այլև՝ միջազգային հանրությանը»,- շեշտեց քաղաքագետը:
Աշխատաժողովին ամփոփիչ ելույթով հանդես եկավ ՀՀ ԱԺ պատգամավոր, «Եվրոպական ինտեգրացիա» ՀԿ նախագահ Կարեն Բեքարյանը: Ստեփանակերտի շրջափակման իրողությունը պատգամավորն առաջարկեց դիտարկել մի քանի ասպեկտներով՝ հումանիտար, սրա հետ ածանցվող անվտանգության ասպեկտը: Բեքարյանի խոսքով, այս պարագայում հարցականի տակ դնելը, թե արդյոք ռազմական գործողությունն արդարացված էր, թե ոչ, պետք է հիշել, որ այնպիսի միջավայր ստեղծելը, որ Ստեփանակերտը «շնչի», ուղղակիորեն կապված էր կյանքի ու մահվան խնդրի հետ: Այն ինչ արվեց այդ տարիներին, ըստ Բեքարյանի, լիովին ադեկվատ էր և չկար այլ ելք:
«Ղարաբաղյան կոնֆլիկտին անդրադառնալուն մենք գործ ունենք ինքնապաշտպանության ու կյանքի իրավունքի հետ»,- նշեց Կարեն Բեքարյանը:
Խոսելով խնդրի քաղաքական ասպետկի մասին, Բեքարյանը նշեց, որ վերջին տարիներին Ադրբեջանն ստեղծում է մի իրավիճակ, որի պատասխանից լինում է գոհ. «խոսքը չի վերաբերում միայն ռազմական գործողություններին: Խոսքս վերաբերում է այդ թվում կոչեցյալ քաղաքական ակցիաներին: Ամենաթարմ օրինակը՝ «օրեցիա Լապշին»: Ինձ հետարքիքիր է այդ օպերացիայի կազմակերպիչներն ու իրականացնողները իրենց հարց տվե՞լ են՝ ինչ քայլեր պետք է ձեռնարկի ՀՀ-ն իր սեփական քաղաքացիների անվտանգությունն ապահովելու համար որևէ այլ երկրում, եթե նրանք քաղաքացիներ են, ովքեր այցելել են ԼՂՀ: Եթե այս հարցն իրենց տված լինեին, հնարավոր է՝ կպատկերացնեին, որ այդ հարցի պատասխաններից մեկը կարող էր լինել ԼՂՀ ճանաչումը, որպեսզի ապագայում ՀՀ-ն՝ որպես իր քաղաքացքու պաշտպան կողմ, ասի, որ իմ օրենքով իմ քաղաքացին որևէ օրենք չի խախտել: Այդ դեպքում Ադրբեջանն աշխարհով մեկ կողբար... այսինքն՝ Ադրբեջանի կողմից ամեն անգամ արվում է թվացյալ մտածված քայլ բայց ոչ երբեք հաշվարկած, թե այդ քայլով դիմացի կողմն ինչ կարող է ստեղծել»: Պատգամավորն ընդգծեց, որ հնարավոր է, Ադրբեջանի հույսը նրա վրա է, որ մենք աննկարագրելի կարգապահ դիվանագիտություն վարող երկիր ենք, որը մեծապես քաղաքակիրթ կերպով պետք է պատասխանի ցանկացած անքաղաքակիրթ, աննորմալ քայլերին. «միգուցե ժամանակն է մտածել: Այդ ձեռագիրը կանգ կառնի, եթե յուրաքանչյուր նախաձեռնություն ստանա, ադեկվատ, սիմետրիկ, իսկ եթե հարկ է՝ ասիմետրիկ պատասխան»,- հավելեց պատգամավորը:
այլ նյութեր այս թեմայով
- Ադրբեջանական զինուժը Մարտակերտի շրջանում խախտել է հրադադարը. Արցախի ՊՆ Հայկական կողմում կորուստներ չկան։
- Ի՞նչ արձանագրվեց երեկ Բրյուսելում Փորձ է արվել ցույց տալ, որ կա իրական առաջընթաց, հստակ պայմանավորվածություններ ու պլանավորված քայլեր մոտ ապագայի...
- Ադրբեջանի սադրանքն Արցախի նկատմամբ. քաղաքական ու հոգեբանական ճնշում Ի՞նչ խնդիրներ է փորձում լուծել Ադրբեջանը: Եվ ինչի՞ կարող է հանգեցնել միջազգային հանրության լռությունը:
- Նիկոլ Փաշինյանը հեռախոսազրույց է ունեցել Շառլ Միշելի հետ Վարչապետը մտահոգություն է հայտնել վերջին շրջանում Ադրբեջանի աճող ագրեսիվ հռետորաբանության և սադրիչ գործելակերպի...
- ԱՄՆ-ն լավատեսություն է արտահայտում Հայաստան-Ադրբեջան երկխոսության հետ կապված Վերջին շաբաթվա զարգացումները ցույց են տալիս, որ ՌԴ-ի և Արևմուտքի մրցակցությունը տարածաշրջանում սեփական դերի մեծացման...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 45%
Քամի՝ 4,63 կմ/ժ