Խորհրդարանական ընտրություններին կմասնակցի 4 դաշինք և 5 կուսակցություն

• 16.02.2017, 18:26
•  Հայաստան

Ապրիլին նախատեսված Հայաստանի խորհրդարանական ընտրություններին մասնակցելու հայտ է ներկայացրել 9 քաղաքական ուժ, որից 4-ը դաշինք են, 5-ը՝ կուսակցություն:

Մասնավորապես, ԿԸՀ իրենց փաստաթղթերն են ներկայացրել հետեւյալ կուսակցությունները՝ ՀՀԿ, ՀՅԴ, «Հայկական վերածնունդ»,  «Ազատ դեմոկրատներ» և Հայաստանի կոմունիստական կուսակցությունը:

ԿԸՀ փաստաթղթեր են ներկայացրել հետևյալ դաշինքները՝ «Ծառուկյան» դաշինք, «Ելք» դաշինք, ՀԱԿ-ՀԺԿ դաշինք և «Օհանյան, Րաֆֆի, Օսկանյան» դաշինք:

Նշենք, որ այսօր փաստաթղթերը ներկայացնելու վերջին օրն էր: Առաջիկա 10 օրում ԿԸՀ-ն պետք է ստուգի ներկայացված փաստաթղթերը և գրանցի քաղաքական ուժերին:

Քարոզարշավը կմեկնարկի մարտի 5-ին և կտևի մինչեւ մարտի 31-ը: