Չինաստանում ավելի քան 74 օդանավակայան կկառուցվի մինչ 2020թ.-ը

• 20.02.2017, 13:42
•  Աշխարհ

https://regnum.ru

Չինաստանի Քաղաքացիական ավիացիայի աշխատակազմի կողմից ներկայացվել է առաջիկա երեք տարիների զարգացման ծրագիրը: Զեկույցի համաձայն, այդ ժամանակահատվածում Չինաստանը կշարունակի 30 օդանավակայանների կառուցման աշխատանքներն, ինչպես նաև կկառուցի ևս 44 քաղաքացիական նշանակության օդանավակայան, հաղորդում է «Ռեգնում» գործակալությունը:

Գլխավոր ավիացիոն մարմնի հայտարարության մեջ նշվում է, որ Չինաստանի իշխանությունները կշարունակեն զարգացնել երկրի տրանսպորտային ենթակառուցվածքը:

Սպասվում է, որ 2020թ.-ին չինական ուղևորահոսքերը կավելանան՝ կազմելով օրական 720 մլն մարդ, իսկ բեռնափոխադրումների քանակը՝ 142 մլն տոննա:

Ուղևորների նշված քանակը սպասարկելու համար անհրաժեշտ կլինեն 7 հազար օդաչուներ և 5 հազար ինքնաթիռներ: