«Ֆրանսիա-Ղարաբաղ» բարեկամության շրջանը հիմա կկոչվի «Ֆրանսիա-Արցախ»

• 25.02.2017, 11:20
•  Եվրոպա,  Աշխարհ,  ԼՂՀ

«Ֆրանսիա-Ղարաբաղ» բարեկամության շրջանը այսուհետ կկոչվի «Ֆրանսիա-Արցախ»։Այս մասին ասվում է Բարեկամության շրջանի հայտարարության մեջ, հայտնում է «Արցախպրեսը»։

«30 երկրների 104 միջազգային դիտորդների նախնական զեկույցները ցույց են տալիս, որ քվարկությունն անցել է սովորական ռեժիմով ու իրավական պետության նորմերին համապատասխան։ Հիմա մենք սպասում ենք ԿԸՀ ու անկախ դիտորդների վերջնական զեկույցին»,- նշել է Բարեկամության շրջանի նախագահ Ֆրանսուա Ռոշբլուանը։

Նա կարեւոր ու խորհրդանշական է անվանել այն, որ երկիրը կրելու է իր պատմական անվանումը, ինչպես այն միշտ կոչել են բնիկները։ «Սա քայլ է, որը կհանգեցնի անկախության գործընթացի ավարտին», ամփոփել է Ֆրանսուա Ռոշբլաունը։

Հիշեցնենք, որ նոր սահմանադրության մեջ, ինչպես եւ հնում, պահպանվում է դրույթը «Լեռնային Ղարաբաղի Հանրապետություն» ու «Արցախ» անվանումների համազորության մասին։