ԵՐԵՎԱՆ 3 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ավստրիայի վարչապետը կոչ է արել ողջ Եվրամիության տարածքում արգելել Թուրքիայի սահմանադրական հանրաքվեին ուղղված քարոզարշավը

Ավստրիայի վարչապետ Քրիստիան Քերնը կոչ է արել ողջ Եվրամիության տարածքում արգելել թուրք քաղաքական գործիչների կողմից սահմանադրական հանրաքվեին ուղղված քարոզարշավը, հայտնում է գերմանական Deutsche Welle պարբերականի:

Վարչապետը կարծիք է հայտնել, որ նման որոշման ընդունմամբ ԵՄ անդամ երկրները, ինչպես օրինակ Գերմանիան, միայնակ չեն նա պաշտոնական Անկարայի ճնշման տակ:

Քերնը խոսել է Թուրքիայում նախատեսվող սահմանադրական փոփոխությունների մասին` ընդգծելով, որ նախագահական համակարգը այդ երկրում ավելի կթուլացնի իրավական պետության հիմքերը, իշխանական ուժերի տարանջատումը: Նա կոչ է արել նախագահ Ռեջեփ Թայիփ Էրդողանին վերադառնալ իրավական պետության հիմքերին, որտեղից այդքան հեռացել է:

Ավստրիայի վարչապետը շոկային է անվանել Թուրքիայում գերմանական Die Welt պարբերականի թղթակից Դենիզ Յուջելի ձերբակալումը` ասելով, որ Անկարան «ոտնատակ է արել մարդու իրավունքների և ժողովրդավարության նման հիմնարար իրավունքները»:

Թուրքիայի արդարադատության նախարար Բեքիր Բոզդաղը մարտի 2-ին սահմանադրական հանրաքվեի քարոզարշավի առնչությամբ պետք է ելույթ ունենար Գերմանիայի Գագենաու քաղաքում, սակայն վերջին պահին քաղաքապետարանն արգելել է դրա անցկացումը: Քաղաքապետը հայտնել է, որ որոշումը քաղաքական բնույթ չունի:

Որոշումը խստորեն դատապարտել է Բոզդաղը` ասելով, որ  կատարվածն անընդունելի է: Նա չեղյալ է համարել Գերմանիայի արդարադատության նախարարի հետ հանդիպումը: Ավելի ուշ Թուրքիայում Գերմանիայի դեսպան Մարտին Էրդմանը կանչվել է Թուրքիայի արտաքին գործերի նախարարություն:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 60%
    Քամի՝ 0,51 կմ/ժ
    3 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: