Բելառուսում Հայաստանից Եվրոպա մեկնող ինքնաթիռում ռադիոակտիվ նյութեր են հայտնաբերվել

• 20.03.2017, 18:12
•  Եվրոպա,  Աշխարհ,  Հայաստան

Gomel.today

Ռադիոակտիվ նյութերը հայտնաբերվել են այն օդանավում, որը Հայաստանից Բելառուսի տարածքով տարանցմամբ եվրոպական երկրներից մեկն էր մեկնում: Այս մասին երկուշաբթի հայտարարել է Բելառուսի նախագահ Ալեքսանդր Լուկաշենկոն «Արևմուտք-2017» բելառուսա-ռուսական վարժանքների կազմակերպման հարցերով խորհրդակցության ժամանակ: Այս մասին հայտնում է ԲելՏԱ գործակալությունը:

«Միջադեպերից մեկը կապված է օդանավում ռադիոակտիվ նյութերի հայտնաբերման հետ, որը Բելառուսի տարածքով տարանցմամբ Հայաստանից մեկնում էր եվրոպական երկրներից մեկը»,- նշված է հաղորդագրության մեջ՝ վկայակոչելով երկրի նախագահին:

Բելառուսի պետական սահմանային կոմիտեիում հայտնել են, որ դեպքը տեղի է ունեցել մարտի 19-ին Գոմելի օդանավակայանում: Այն ոչ ուղևորատար ինքնաթիռ է եղել: 

Ավելի վաղ Բելառուսի Պետական սահմանային կոմիտեի մամուլի ծառայությունը հայտնել էր, որ Բելառուսի սահմանապահները գիշերը կասեցրել են Ուկրաինայից զենքով ավտոմեքենայի ներխուժման փորձը։