Հիացած եմ Ստեփանակերտի գեղեցկությամբ. ֆրանսիացի համանախագահ

• 29.03.2017, 11:02
•  Տարածաշրջան,  Աշխարհ,  ԼՂՀ

artsakhpress.

Ղարաբաղյան հակամարտության շուրջ բանակցային գործընթացը շարունակվում է, և շատ հագեցած երկխոսություն կա կողմերի հետ: Ինչպես տեղեկացնում է Artsakhpress-ը, այս մասին Արցախի Հանրապետության նախագահ Բակո Սահակյանի հետ հանդիպումից հետո լրագրողների հետ ճեպազրույցում ասել է ֆրանսիացի համանախագահ Ստեֆան Վիսկոնտին:

«Բոլորի համար չէ դա տեսանելի, բոլորը չէ, որ գիտեն այդ մասին։ Իհարկե մենք չենք կարող բացահայտել մանրամասները, քանի որ կոնֆիդենցիալ բանակցություններ են ընթանում։ Բայց դա չի նշանակում, որ ոչինչ չի արվում։ Բանակցությունները շարունակելու համար անհրաժեշտ է, որպեսզի շփման գծում հրադադարի ռեժիմի խախտման դեպքեր չարձանագրվեն, իսկ առաջ գնալու համար կողմերը պետք է փոխզիջման գան»,- ասել է Վիսկոնտին և հավելել, որ եթե Հայաստանի ու Ադրբեջանի նախագահների միջև պայմանավորվածություն ձեռք բերվի հանդիպման մասին, իր երկիրը պատրաստ է այն կազմակերպել:

Վիսկոնտին նաև նշել է, որ առաջին անգամ է Ստեփանակերտում և հիացած է նրա գեղեցկությամբ. ինչը նրա համար հաճելի անակնկալ էր: