ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հայոց ցեղասպանության ճանաչման հարցում Թուրքիայի դիրքորոշման մեղմացումը ձեռնտու կլիներ բոլորին. Ժիրինովսկի

Преступности НЕТ

Հայոց ցեղասպանության ճանաչման հարցում Թուրքիայի դիրքորոշման մեղմացումը ձեռնտու կլիներ բոլորին: Այդ մասին հայտարարել է Ռուսաստանի Լիբերալ-դեմոկրատական կուսակցության առաջնորդ Վլադիմիր Ժիրինովսկին՝ Ցեղասպանության 102-րդ տարելիցի նախաշեմին` պատասխանելով РУСАРМИНФО-ի լրագրողի հարցերին:

«Ինձ հասկանալի չէ, թե ինչու են թուրքերն այդպես սևեռվել այդ հարցի վրա: Վաղուց կարող էին մեղմել իրենց դիրքորոշումը, առավել ևս, որ դժվար է հերքել Օսմանյան կայսրությունում քրիստոնյաների, նախևառաջ՝ հայերի սպանությունը: Եթե Անկարան մեղմեր դիրքորոշումը, վաղուց կկայանար Հայաստանի հետ լավ հարաբերությունների վերականգնումը, չէ՞ որ դա բոլորին է ձեռնտու. Հայաստանի համար դա թուրքական երկաթուղային ճանապարհներով Եվրոպայի հետ ուղիղ կապ կհաստատեր: Այսինքն՝ շահավետ է զուտ կոմերցիոն տեսանկյունից»,- ասել է Ժիրինովսկին:

Քաղաքական գործչի կարծիքով՝ երկու ժողովուրդների հաշտեցման հարցին հարկավոր է մոտենալ աստիճանաբար, և Անկարայի կողմից Ցեղասպանության ճանաչման հարցին նախորդում են մի շարք այլ նախաձեռնություններ:

«Ռուսաստանի Լիբերալ-դեմոկրատական կուսակցության խմբակցությունը, օրինակ, 2015 թվականին Պետդումային առաջարկել է Մերձավոր Արևելքում քրիստոնյաների ցեղասպանության ճանաչման մասին որոշում ընդունել: Մենք չկարողացանք անցկացնել այն. խորհրդարանական մեծամասնությունը մեզ չաջակցեց: Սակայն այդ ճանապարհով է հարկավոր գլոբալ առումով մոտենալ Հայոց ցեղասպանության հարցին: Եկեք միջազգային մակարդակով դատապարտենք ցանկացած ցեղասպանություն: Այդ ժամանակ թուրքերին ավելի հեշտ կլինի ժամանակի հետ խոստովանել հայերին սպանած իրենց զինվորականների սխալները»,- ասել է Ժիրինովսկին:

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 30%
    Քամի՝ 1,03 կմ/ժ
    12 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: