Հայ ֆուտբոլիստ Վահան Բիչախչյանը հայտնվել է թուրքական «Galatasaray» ակումբի ուշադրության կենտրոնում

• 27.04.2017, 15:35
•  Տարածաշրջան,  Աշխարհ

Armsport

Հայաստանի «Շիրակ» ֆուտբոլային ակումբի պատանի ֆուտբոլիստ Վահան Բիչախչյանի անունը հայտնվել է թուրքական «Galatasaray» ֆուտբոլային ակումբի տրասնֆերային ցուցակում:

Ինչպես փոխանցում է Ermenihaber-ը՝ հղում կատարելով թուրքական «Fotospor» լրատվական կայքին «Galatasaray»-ը փոխարինող է փնտրում պորտուգալացի ֆուտբոլիստ Բրումային, որը պատրաստվում է հեռանալ թուրքական ակումբից:

Նշվում է, որ Բիչախչյանը խոստումնալից ապագա ունեցող երիտասարդ է, որին «Galatasaray»-ի սկաուտները բացահայտել են Եվրոպայի` մինչև 19 տարեկանների առաջնության որակավորման փուլի խաղերի ժամանակ և հոկտեմբերից հետևում են նրա խաղերին: Թուրքական կայքը հայ ֆուտբոլիստի խաղաոճը նմանեցրել է բելգիացի Քևին դե Բրույնեի ոճին: