ԵՐԵՎԱՆ 3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 671,81 դրամ ԱՐԾԱԹ - 263,87 դրամ ՊԼԱՏԻՆ - 15 655,42 դրամ

Բելգիահայը ցանկանում է Հայաստանում բելգիական շոկոլադի արտադրություն բացել

Pinterest

Բելգիահայ ձեռներեց, Puratos Grand-Place ընկերության տնօրեն Գրիշա Սաֆարյանը ցանկանում է Հայաստանում բելգիական շոկոլադի արտադրություն բացել։ Այս մասին Գրիշա Սաֆարյանը հայտնել է NEWS.am–ին մայիսի 17-ին Երևանում Հայաստանի, Բելգիայի ու Կոնգոյի Դեմոկրատական Հանրապետության ձեռներեցների հանդիպման ժամանակ։

Նա արդեն երրորդ անգամ է Հայաստանում։

«Դրա համար մենք ուսումնասիրում ենք Հայաստանի, նաև ԵՏՄ մյուս երկրների շուկաներ մատակարարելու հնարավորությունները»,- ասել է գործարարը։

Հայաստանի արտաքին լոգիստիկան նա խնդիր չի համարում։ Նրա խոսքով՝ և՛ հումքը, և՛ պատրաստի արտադրանքը կարելի է համեմատաբար ոչ վատ պայմաններով տեղափոխել:

Իսկ իրացման հարցում նա առհասարակ կասկածներ չունի։ «Շատ հասարակ։ Շոկոլադ պետք է միշտ ու ամենուրեք»,- ասել է Սաֆարյանը։

Սաֆարյանն արդեն մոտ 30 տարի է աշխատում շոկոլադի ու հրուշակեղենի բիզնեսում։ Նա աշխատել է Ճապոնիայում ու Հոնկոնգում, իսկ այժմ Puratos Grand-Place-ը աշխատում է Վիետնամում, որտեղ խմորեղեն ու շոկոլադ է արտադրում։

«Գուցե մենք այստեղ ընկերություն կբացենք հաջորդ տարի, երբ կհաշվարկենք գործարան կառուցելու հնարավորությունը»,- ասում է նա։

 


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 64%
Քամի՝ 6.44 կմ/ժ
3 C°
 
   
25.01.2018
   
26.01.2018
Հարցում

Արդյո՞ք ԱՄՆ-ն և/կամ Ռուսաստանը կփորձեն կանգնեցնել Թուրքիայի ագրեսիվ գործողությունները Սիրիայում: