ԵՐԵՎԱՆ 25 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ադրբեջանը հրթիռ է կիրառել. ԵԱՀԿ Մինսկի խումբը հանդես է եկել հասցեական հայտարարությամբ

CVCE

ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Ռիչարդ Հոգլանդը (ԱՄՆ) վերջին օրերին արցախա-ադրբեջանական սահմանին տիրող իրավիճակի վերաբերյալ հանդես են եկել հայտարարությամբ:

 «Բազմաթիվ հավաստի աղբյուրներից հավաքված տեղեկատվության համաձայն՝ Ադրբեջանի զինված ուժերը մայիսի 15-ին շփման գծում հրթիռ են արձակել՝ հարվածելով ռազմական տեխնիկայի։ Մայիսի 16-ի երեկոյան և հաջորդ օրը հայկական զինված ուժերը պատասխանել են տարբեր տրամաչափի ականանետային կրակահերթերով։ Երկու կողմերի այս գործողությունները հրադադարի ռեժիմի լուրջ խախտում ու տագնապի պատճառ են։

 Հակասական զեկույցներ կան այս վերջին կրակոցների թիրախների, ինչպես նաև զոհերի և պատճառված վնասի մասին: ԵԱՀԿ Մինսկի խմբի համանախագահներն ու ԵԱՀԿ գործող նախագահի անձնական ներկայացուցիչը շարունակում են թարմ տվյալներ և վերլուծություններ հավաքել՝ առկա իրավիճակի վերաբերյալ առավել ավելի ամբողջական և հստակ տեղեկատվություն ստանալու համար։

 ԵԱՀԿ Մինսկի խմբի համանախագահները դատապարտում են վերջին օրերի հրադադարի ռեժիմի խախտումները և կողմերին կոչ են անում ձեռնարկել բոլոր անհրաժեշտ քայլերը՝ հակամարտության գոտում ցանկացած հետագա սրացումից խուսափելու համար», - նշվում է ԵԱՀԿ Մինսկի խմբի համանախագահների համատեղ հայտարարության մեջ։

In English На русском

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 19%
    Քամի՝ 1,54 կմ/ժ
    25 C°
     
    29°  17° 
    26.04.2024
    29°  17° 
    27.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: