Սպասվում է անձրև և ամպրոպ, օդի ջերմաստիճանը կնվազի. առաջիկա 5 օրվա եղանակի կանխատեսում

• 13.06.2017, 14:10
•  Հայաստան,  No-politics

liveinternet.ru

Հանրապետության տարածքում հունիսի 14-ին, 16-ին, 18-ի հիմնականում երեկոյան ժամերին, 15-ին, 17-ի գիշերը ժամանակ առ ժամանակ շրջանների զգալի մասում, 17-ի ցերեկը Լոռիում, Տավուշում, Սյունիքում և Արցախում սպասվում է անձրև և ամպրոպ, ամպրոպի ժամանակ սպասվում է քամու ուժգնացում՝ 20-25 մ/վ, առանձին վայրերում հնարավոր է կարկուտ:

Քամին՝ հարավ-արևմտյան՝ 3-8 մ/վ, հայտնում է ՀՀ ԱԻՆ մամուլի ծառայությունը:

Օդի ջերմաստիճանը 15-ի ցերեկը կնվազի 5-6 աստիճանով:

Երևան քաղաքում՝

Հունիսի 14-ին, 16-ին, 18-ի երեկոյան ժամերին, 15-ին ժամանակ առ ժամանակ սպասվում է անձրև և ամպրոպ, ամպրոպի ժամանակ՝ քամու ուժգնացում՝ 17-20 մ/վ արագությամբ, 17-ի ցերեկը սպասվում է առանց տեղումների եղանակ: