Ստամբուլի հայկական ռադիոյի եթերում անդրադարձել են Թուրքիայում ապրող հայ կանանց խնդիրներին

• 14.06.2017, 20:22
•  Տարածաշրջան,  Աշխարհ

Gazete Şûjin

Թուրքիայում գործող հայկական «Նոր ռադիո»-ի  «Çalıkuşunun Z raporu» հաղորդաշարի հունիսի 13-ի եթերում անդրադարձ է կատարվել Թուրքիայում ապրող հայ կանանց խնդիրներին:

Ինչպես փոխանցում է Ermenihaber-ը՝ հղում կատարելով թուրքական «Karınca» թերթի կայքին հաղորդման ընթացքում խոսվել է Թուրքիայում ազգային և կրոնական փոքրամասնություն լինելու, ազգային փոքրամասնություն ներկայացնող կին լինելու հետ կապված դժվարությունների մասին:

Հաղորդման ընթացքում անդրադարձ է կատարվել նաև հայ հասարակության մեջ տղամարդկանց գերիշխանության ձևավորմանը, կանանց կողմից այդ երևույթին տրվող արձագանքներին, տղամարդ-կին հարաբերությունների վրա դրա ազդեցությանը:

Հիշյալ հաղորդումը կարելի է ունկնդրել նաև «norradyo.com» կայքում: