Արևմուտքը համակերպվե՞լ է Ասադի՝ իշխանության մնալու հետ
Արդեն վեց տարի շարունակվող սիրիական հակամարտության կարգավորման անկյունքարային հարցերից մեկը՝ Սիրիայի նախագահ Բաշար Ասադի իշխանության մնալ-չմնալու հարցը, որոշակի փոփոխության է ենթարկվել: Եթե հակամարտության առաջին տարիներին այդ հարցի շուրջ հակամարտության բոլոր դերակատարներն ունեին անզիջում դիրքորոշում, և հիմնականում հենց Ասադի ճակատագրի շուրջ տարաձայնությունների հետևանքով կողմերը չէին կարողանում քաղաքական բանակցություններում առաջ գնալ, ապա այժմ այս հարցի շուրջ կարծես թե կողմերի դիրքորոշումների որոշակի մերձեցում կա:
Սակայն, Արևմուտքն այլևս նույն եռանդով չի պնդում, որ Ասադը հեռանա: Ապրիլին պաշտոնական Վաշինգտոնը հայտարարեց, որ իր համար Ասադի տապալումը առաջնային չէ, և դրա համար համապատասխան ժամանակը Օբամայի վարչակազմն արդեն բաց է թողել: Հաջորդիվ ինչպես ԱՄՆ-ի, այնպես էլ վերջինիս դաշնակիցներ Գերմանիայի և Ֆրանսիայի կողմից հնչեցրած հայտարարություններն այն մասին, որ Ասադը տեղ չունի Սիրիայի ապագա կառավարությունում, խոսում են, որ Ասադի հարցում վերջիններիս դիրքորոշման մեղմացումը ավելի շուտ իմիտացիա է, և նրանք շարունակում են պնդել, որ Ասադը հեռանա: Սակայն ամեն դեպքում ակնհայտ է, որ Ասադի ընդդիմադիրները վերանայում են վերջինիս հարցում իրենց դիրքորոշումը:
Նշենք, որ Ասադին տապալելու առաջնայնության մասին հայտարարությունները երկրորդ պլան են մղվել նաև թուրքական իշխանությունների սիրիական հռետորաբանությունում: Այստեղ հարկ է նշել, որ Ասադի ընդդիմախոսների դիրքորոշման փոփոխության վրա ազդել է նաև այն հանգամանքը, որ հակամարտության վեց տարիների ընթացքում չի հաջողվել Ասադին այլընտրանք առաջադրել: «Ես այլևս առաջնային պայման չեմ համարում Ասադի տապալումը, քանի որ ես չեմ տեսնում ոչ ոքի՝ որպես նրա օրինական իրավահաջորդ», - օրերս հայտարարել է Ֆրանսիայի նախագահ էմանուել Մակրոնը:
Ասադի կողմնակիցների ճամբարում ևս դիրքորոշման որոշակի մեղմացում է նկատվում: Ինչպես երևում է ռուս որոշ պաշտոնյաների հայտարարություններից, Մոսկվան, շարունակելով շեշտել, որ Ասադի ճակատագիրը պետք է որոշի սիրիացի ժողովուրդը, այլևս ցավագին չի ընդունում Ասադին ինչ-որ պահի իշխանությունից հեռացնելու հնարավորությունը: Սիրիական հակամարտության միջազգային և տարածաշրջանային այս գլխավոր դերակատարների դիրքորոշման փոփոխությունն առաջին հերթին պայմանավորված է նրանով, որ այդ երկրները գրեթե լուծել են իրենց առջև դրված խնդիրները: Այսպես, Թուրքիան վերահսկողություն է հաստատել Սիրիայի հյուսիսային քրդաբնակ շրջաններում, Ռուսաստանը գրեթե ապահովել է Սիրիայի հյուսիս-արևմուտքում՝ Լաթաքիայում, Տարտուսում և Ջաբլեհում գտնվող իր ռազմաբազաների անվտանգությունը, միևնույն ժամանակ Թուրքիան և Ռուսաստանը որևէ խոչընդոտ չեն ստեղծում Սիրիայում ամերիկյան նավթային հետաքրքրությունների համար: Արդյունքում երկիրը փաստացիորեն բաժանված է ազդեցության գոտիների, իսկ նախագահ Ասադը ոչինչ չի կարող անել դրա դեմ:
Սակայն, հարկ է նշել, որ ԱՄՆ-ը և վերջինիս դաշնակիցները համակերպվել են Ասադի պաշտոնավարման հետ միայն մինչև անցումային շրջան և դրա ընթացքում: Վաշինգտոնը կտրականապես դեմ է անցումային շրջանի ավարտին կայանալիք նախագահական ընտրություններին Ասադի մասնակցությանը: Միևնույն ժամանակ Ռուսաստանը շարունակում է պնդել, որ Ասադը պետք է գլխավորի Սիրիան անցումային շրջանում և եթե սիրիացի ժողովուրդը ցանկանա, երկիրը պետք է ղեկավարի նաև դրանից հետո: Այսպիսով, իրականում Սիրիայի ապագայում Ասադի լինել-չլինելու հարցը շարունակում է մնալ կողմերի գլխավոր տարաձայնություններից, սակայն վերջիններիս դիրքորոշման որոշակի վերանայման շնորհիվ մեկ քայլ առաջ է արվել՝ Սիրիայում անցումային շրջան հաստատելու ուղղությամբ:
Ավելացնենք, որ Ասադի ճակատագրի հարցում թերևս անփոփոխ է մնացել Իրանի դիրքորոշումը: Որպես Սիրիայում իր ազդեցությունը պահելու միակ տարբերակ՝ Թեհրանը տեսնում է այդ երկրի միասնության վերականգնումը և գործող վարչակարգի պահպանումը, ինչով էլ պայմանավորված է վերջին շրջանում Սիրիայում ռազմական գործողություններին իրանցի զինվորականների ակտիվացումը:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 17%
Քամի՝ 3,6 կմ/ժ