Հայաստանում սկսել են թողարկել սմարթ -նոթատետրեր

• 20.07.2017, 09:45
•  Հայաստան,  No-politics

NEWS.am

Հայկական TSD ընկերությունը սկսել է սմարթ- նոթատետրեր թողարկել, հայտնում է news.am-ը։ Նոր սարքի շնորհանդեսի ժամանակ TSD (Technology and Science Dynamics) ընկերության հիմնադիր ու տնօրեն Վահան Շաքարյանը նշել է, որ սարքը հասանելի կդառնա մոտ ժամանակներս:

EcoPad սարքը միավորում է նոթատետրի ու պլանշետի հատկանիշները։ Գրառումներ հնարավոր է անել ջնջվող գրիչներով, կամ մարկերներով ու մատիտներով, որից հետո ջնջել ռետինով։ Գրառումնեը կարելի է ջնջել մասամբ կամ ամբողջությամբ՝ նոթատետրը տաքացնելով միկրոալիքային վառարանում կամ էլ ֆենով։

Նոթատետրի «խելացիությունը» Android ու IOS հավելվածների օգնությամբ ամպային համակարգում գրառումները պահելու հնարավորությունն է։

Ըստ սարքը ստեղծողների մտահղացման՝ գրառումները պահպանելու հնարավորության շնորհիվ «կյանքի բոլոր դեպքերի» համար մեկ էլեկտրոնային նոթատետրը կարող է փոխարինել տասնյակ թղթե նոթատետրերի։