Դարի ամենահզոր փոթորիկներից մեկը` «Իրմա» փոթորիկը մեծ ավերածություններ է գործել Կուբայում (ՏԵՍԱՆՅՈՒԹ)

• 09.09.2017, 20:42
•  Աշխարհ

Getty Images

Դարի ամենահզոր փոթորիկներից մեկը` «Իրմա» փոթորիկը շաբաթ օրը հասել է Կուբայի հյուսիսային ափերին:

Ինչպես տեղեկացնում է BBC-ն, փոթորիկի հետևանքով առնվազն 20 մարդ է զոհվել Կարիբյան ավազանում, որտեղ մեծաթիվ ավերածություններ են տեղի ունեցել:

Փոթորիկը, որի վտանգը 5 աստիճանով է գնահատվել, Կուբայի հյուսիսային ափերին գտնվող Կամագուեյ արշիպելագին է մոտեցել և նույն արագությամբ հասել է Բահամյան կղզիներին և մոտենում է Ֆլորիդայի ափերին:

Նշվում է, որ Ֆլորիդայում 5,6 մլն մարդու տարհանում է սկսվել:

Ինչպես փոխանցում է The Independent-ը` Ֆլորիդայի նահանգապետ Ռիկ Սքոթի խոսքով` Ֆլորիդայում բնակվող մարդկանց, ովքեր հրաժարվում են փախչել «Իրմա» փոթորկից,  «չի հաջողվի ողջ մնալ»:

Ռիկ Սքոթը զգուշացրել է, որ փոթորկի հետևանքող հնարավոր է ծովի ալիքները տասներկու ոտնաչափ բարձրանան`  մեծաթիվ ավերածությունների պատճառ հանդիսանալով: