Ֆրանսիայում գտել են Դա Վինչիի կողմից նկարված մերկ Մոնա Լիզայի էսքիզը (ԼՈՒՍԱՆԿԱՐ)

• 29.09.2017, 10:44
•  Եվրոպա,  Աշխարհ,  No-politics

Flickr / Thomas Ricker

Ֆրանսիայում հավաքածուներից մեկում գտել են ածուխով արված էսքիզ, որում ենթադրաբար պատկերված է մերկ «Մոնա Լիզան», հայտնում life.ru-ն:

Լուվրի փորձագետներն ենթադրում են, որ էսքիզը նկարված է Լեոնարդո Դա Վինչիի կողմից: Արվեստաբան Մաթյե Դելդիկը կարծում է, որ այն նախապատրաստական աշխատանք է յուղանկարի համար:

Վարկածներից մեկի համաձայն Դա Վինչիի ձեռքին է պատկանում էսքիզի միայն մի մասը: Նշվում է, որ Դա Վինչին եղել է ձախլիկ, իսկ էսքիզի մի մասն ակնհայտորեն նկարված է աջ ձեռքով:

Ամեն դեպքում, այն, որ էսքիզը պատկանում է Դա Վինչիի ստուդիային, անվիճելի է:

Ամենատարածված վարկածի համաձայն «Մոնա Լիզա» հայտնի կտավում պատկերված է ֆլորենցիացի պաշտոնյայի և կտորեղենի վաճառական Ֆրանչեսկո դել Ջոկոնդոյի կինը՝ Լիզա Գերարդինին:

AFP / ALAMY