ԵՐԵՎԱՆ 11 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ինչի համար է Հայաստանը Ռուսաստանից 100 մլն դոլար ռազմական վարկ վերցնում. Վլադիմիր Եվսեև

© РИА Новости, Сергей Мальгавко

ՀՀ կառավարություն հոկտեմբերի 12-ի նիստում համաձայնություն տվեց Հայաստանի և Ռուսաստանի միջև ՀՀ-ին պետական արտահանման վարկ տրամադրելու համաձայնագրի կնքման առաջարկությանը՝ ժամանակակից սպառազինության և տեխնիկայի ձեռքբերման, մատակարարումների ֆինանսավորման համար:

Ըստ համաձայնագրի՝ 100 մլն դոլարի չափով ներգրավվող պետական արտահանման վարկը կտրամադրվի 20 տարի ժամկետով, որից 5-ը՝ արտոնյալ, տարեկան 3 տոկոս տոկոսադրույքով: Ընդ որում, ՀՀ կողմից նախատեսվում է համաֆինանսավորում համաձայնագրի շրջանակներում կնքվող պայմանագրերի արժեքի 10 տոկոսի չափով՝ ավանսային վճարումների տեսքով:

ԱՊՀ երկրների ինստիտուտի փոխտնօրեն Վլադիմիր Եվսեևը պաշտպանական վարկի տրամադրումը պայմանավորում է Հայաստանի կողմից հայ-ռուսական միացյալ զորախմբի ստեղծման մասին համաձայնագրի վավերացման հետ:

«Այլ պատճառներ չեն կարող լինել, քանի որ Հայաստանի և Ադրբեջանի միջև ռազմական անհավասարակշռությունը վերացվել է դեռ անցած տարի: Այնպես որ Հայաստանն այժմ ուժեղացնում է իր ռազմական ներուժը՝ Ռուսաստանից գնելով հարվածային համակարգեր», - РУСАРМИНФО-ին տված հարցազրույցում նշել է Եվսեևը:

«Հարվածային անօդաչու թռչող սարքեր Հայաստանն արդեն ինքն է արտադրում, ռադիոտեղակայման համակարգեր վերջերս է գնել, իսկ Իսկանդերները գնվել են 2016 թվականին: Ուստի, Հայաստանն այժմ հետաքրքրված է ՀՕՊ համակարգերով, որպեսզի զրոյացնի Ադրբեջանից եկող օդային սպառնալիքը», - նշել է փորձագետը՝ հավելելով, որ հենց այս ուղղությամբ է Հայաստանին հարկավոր ուժեղացնել մարտունակությունը, քանի որ Ադրբեջանն Իսրայելի շնորհիվ առավելություն ունի մարտական ավիացիայում:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 43%
    Քամի՝ 1,03 կմ/ժ
    10 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: