ԵՐԵՎԱՆ 6 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20,819.88 դրամ ԱՐԾԱԹ - 265.46 դրամ ՊԼԱՏԻՆ - 14,558.17 դրամ

Դատապարտում ենք Ուկրաինա-Հայաստան բարեկամական խմբի ղեկավարի դեմ իրականացված մահափորձը. Կարեն Բեքարյան

Panorama.am

«Հայաստան-Ուկրաինա խորհրդարանական բարեկամական խմբի և մեր գործընկերների անունից դատապարտում ենք երեկ Ուկրաինա-Հայաստան խմբի ղեկավարի դեմ Կիևում իրականացված մահափորձը», - այս մասին այսօր Ազգային ժողովում հայտարարեց ԱԺ «Հանրապետական» խմբակցության պատգամավոր, բարեկամական խմբի ղեկավար Կարեն Բեքարյանը։

«Կան վիրավորներ և մեկ զոհ։ Ցավակցում ենք զոհի ընտանիքին ու հարազատներին, վիրավորներին մաղթում ենք շուտափույթ ապաքինում։ Իգոր Մոսիյչուկն այժմ գտնվում է հիվանդանոցում։ Միևնույն ժամանակ, Ուկրաինայի բարեկամ ժողովրդին մաղթում ենք խաղաղություն և կայունություն», - ասաց Բեքարյանը։

Հիշեցնենք, հոկտեմբերի 25-ի երեկոյան Կիևի «Էսպրեսսո» հեռուստաալիքի շենքի մոտ իրականացված պայթյունը որակվել է որպես ահաբեկչություն: Ինչպես տեղեկացնում էր Интерфакс-ը, պայթյունի հետևանքով տուժել Է հինգ մարդ, նրանցից մեկը՝ Գերագույն ռադայի պատգամավոր Իգոր Մոսիյչուկի թիկնապահը, մահացել է հիվանդանոց տեղափոխելու ճանապարհին: Ավելի ուշ Ուկրաինայի Ավտանգության խորհրդի մամուլի ծառայությունը հայտնել է, որ մահացել է ևս մեկ քաղաքացի, ով պատահաբար եղել է դեպքի վայրում: Մոսիյչուկն ինքը բեկորային բազմաթիվ վերքեր է ստացել, նրան վիրահատել են: Ծանր վիրավորված Է նաև ուկրաինացի քաղաքագետ Վիտալի Բալան: Ըստ Ուկրաինայի ՆԳ նախարարության տեղեկատվության՝ պայթուցիկ սարքը, որն ամրացված Է եղել կայանված մոտոցիկլետին, գործել է, երբ Մոսիյչուկը դուրս էր գալիս «Էսպրեսսո» հեռուստաալիքի գրասենյակից: 


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 65%
Քամի՝ 11.27 կմ/ժ
6 C°
 
  18° 
24.04.2018
  21° 
25.04.2018
Հարցում

Արդյո՞ք աջակցում եք Հայաստանում տեղի ունեցող բողոքի ցույցերին։