Իրական հրաշք. ի՞նչը փրկեց 3,5 տարեկան աղջկան Խաբարովսկում ինքնաթիռի կործանման ժամանակ

• 16.11.2017, 21:44
•  Աշխարհ

© РИА Новости / Игорь Онучин

3,5 տարեկան աղջնակը միակ փրկված ուղևորն է L-410 կործանված ինքնաթիռից, ինչն էլ իրական հրաշք է թվում։

Երկրամասի  նահանգապետ Վյաչեսլավ Շպորտի խոսքով` աղջնակը փրկվել է L-410 ինքնաթիռի կործանումից ՌԴ Խաբարովսկի երկրամասում հիմնականում շնորհիվ նրա, որ կապված է եղել ամրագոտով, հաղորդում է ՌԻԱ Նովոստին: 

«Այն մարդը, որը հանել է երեխային պատմում էր, որ նա ամրակցված է եղել նստարանին, և դա որոշիչ գործոն է եղել աղջնակի ողջ մնալու համար։ Նրան ուղեկցող ուսուցչուհին ճիշտ էր կիրառել ամրագոտին, ինչպես պահանջում են անվտանգության կանոնները։ Հետո ամեն ինչ եղել է հանգամանքների բերումով»,- ասել է Շպորտը։