ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Սերժ Սարգսյանն ընդունել է հայտնի բժիշկ Լեո Բոկերիային

President.am

Նախագահ Սերժ Սարգսյանն այսօր ընդունել է Ա.Ն. Բակուլևի անվան սրտանոթային վիրաբուժության ազգային բժշկական հետազոտական կենտրոնի ղեկավար, հայտնի սրտաբան, վիրաբույժ, պրոֆեսոր, ակադեմիկոս Լեո Բոկերիային, ով Երևանի Մխիթար Հերացու անվան պետական բժշկական համալսարանի հրավերով եռօրյա այցով ժամանել է Հայաստան՝ բժշկական կենտրոնների հետ համագործակցություն զարգացնելու, ինչպես նաև փորձի փոխանակում իրականացնելու նպատակով: Այս մասին հայտնում են ՀՀ նախագահի մամուլի ծառայությունից: 

Ողջունելով աշխարհահռչակ բժշկին մեր երկրում՝ Հանրապետության Նախագահը բարձր է գնահատել նրա ներդրումը սրտային վիրաբուժության զարգացման գործում, ընդգծելով, որ պրոֆեսոր Բոկերիայի ներդրած նոր, ժամանակակից մեթոդների շնորհիվ աշխարհում փրկվել են հազարավոր մարդկանց կյանքեր, շատերն էլ դեռ հույսով սպասում են իրենց առողջացմանը:

Նախագահը շնորհակալություն է հայտնել անվանի բժշկին նաև իր անգնահատելի փորձով ուրիշների հետ կիսվելու պատրաստակամության համար՝ համարելով դա աստվածահաճո գործ: Սերժ Սարգսյանն ընդգծել է, որ Հայաստանը մեծ նշանակություն է տալիս առողջապահության ոլորտի զարգացմանը, բժշկության մեջ առաջավոր փորձի ներդրմանը: Նախագահն այդ տեսանկյունից կարևորել է աշխարհի առաջատար մասնագետների հետ կապերի հաստատումն ու համագործակցությունը և հույս հայտնել, որ Լեո Բոկերիայի այցը Հայաստան, շփումները հայ մասնագետների հետ, պրակտիկ գիտելիքների ու փորձի փոխանակումը մեծ աջակցություն կլինի Հայաստանում այդ ոլորտի զարգացման համար:

Բժիշկ Բոկերիան շնորհակալություն է հայտնել ջերմ ընդունելության, գնահատանքի համար և վստահեցրել, որ ջանք չի խնայի Հայաստանում սրտանոթային վիրաբուժության զարգացման գործում իր ներդրումն ունենալու համար: Անվանի սրտաբան, վիրաբույժը Հանրապետության Նախագահի հետ հանդիպմանը ներկայացրել է աշխարհում այս ոլորտի զարգացման միտումներն ու ժամանակակից տեխնոլոգիաների կիրառմամբ ավելի լավ արդյունքների հասնելու հնարավորությունները: Պրոֆեսոր Բոկերիան նշել է, թե տպավորված է Հայաստանում իր այցելած բժշկական կենտրոններով և այնտեղ իրենց մասնագիտական առաքելությունն իրականացնող բարձր որակավորում ունեցող մասնագետներով, որոնց հետ հաճույքով կհամագործակցի:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 53%
    Քամի՝ 0,51 կմ/ժ
    6 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: