ԵՐԵՎԱՆ 4 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Պուտին-Ասադ հանդիպումը նախանշեց սիրիական կարգավորման նոր փուլի մեկնարկը

РИА Новости / Михаил Климентьев

Ռուսաստանի և Սիրիայի նախագահներ Վլադիմիր Պուտինը և Բաշար Ասադը օրերս Սոչիում կայացած հանդիպմանը համաձայնել են, որ Սիրիայում ռազմական գործողությունը մոտենում է ավարտին և այժմ հարկավոր է անցնել քաղաքական կարգավորմանը:

«Կարծում եմ՝ այժմ ամենագլխավորն, իհարկե, քաղաքական գործընթացներին անցնելն է, և ես գոհունակությամբ եմ նշում Ձեր պատրաստակամությունն աշխատելու բոլոր նրանց հետ, ովքեր խաղաղություն ու կարգավորում են ցանկանում», - ասել է ՌԴ նախագահը: Ասադն իր հերթին հայտարարել է, որ ակնկալում է Ռուսաստանի աջակցությունը Սիրիայի քաղաքական կարգավորման հարցում: «Մենք ողջունում ենք բոլոր նրանց, ովքեր իրոք շահագրգռված են քաղաքական կարգավորմամբ, մենք պատրաստ ենք նրանց հետ երկխոսություն վարել»,- ասել է Ասադը:

Նշենք, որ Սիրիայի նախագահի աշխատանքային այցը Ռուսաստան, որն, ի դեպ, երկրորդն է սիրիական հակամարտության ընթացքում, տեղի է ունեցել նոյեմբերի 22-ին սիրիական կարգավորման շուրջ Սոչում Ռուսաստանի, Իրանի և Թուրքիայի նախագահների հանդիպմանն ընդառաջ: Ակնհայտորեն նախագահները քննարկել են նոյեմբերի 22-ին կայանալիք բանակցություններին վերաբերող հարցեր. ամենայն հավանականությամբ Պուտինին հարկավոր են եղել երաշխիքներ, որ Իրանի և Թուրքիայի նախագահների հետ եռակողմ հանդիպմանը ձեռք բերված պայմանավորվածությունները պաշտոնական Դամասկոսը պատրաստվում է իրականացնել: Իսկ Սոչիում Պուտինը, էրդողանը և Ռոհանին պատրաստվում են արդեն քննարկել ոչ թե հրադադարի հաստատում կամ դրա մոնիթորինգը, այլ հակամարտության քաղաքական կարգավորման հստակ քայլեր: Վերջին շրջանում բազմիցս հայտարարվել է, որ Սիրիայում հրադադարի հաստատումով հող է նախապատրաստվում քաղաքական կարգավորման համար: Մասնավորապես նախատեսվում է Սիրիայում տարբեր ուժերի միջև վստահությունը վերականգնելու նպատակով Սիրիայի ազգային երկխոսության կոնգրեսի կազմակերպում: Սակայն այս հարցում Սիրիայում հրադադարի երաշխավոր երկրներն ունեն մի շարք տարաձայնությունները՝ մասնավորապես Թուրքիան պնդում է, որ կոնգրեսին չմասնակցեն սիրիացի քրդերը: Վիճելի է մնում նաև երկրի քաղաքական կյանքում Ասադի հետագա մասնակցության հարցը, սակայն հարկ է նկատել, որ եթե նախկինում Ասադի հեռնալու հարցը Թուրքիայի համար քաղաքական կարգավորման նախապայմաններից էր, ապա այժմ դա բնավ այդպես չէ: Վերջին տարիներին սիրիական բանակը Ռուսաստանի օդա-տիեզերական ուժերի աջակցությամբ լուրջ հաջողությունների է հասել մարտի դաշտում՝ իր վերահսկողությունը հաստատելով երկրի տարածքի մեծ մասի նկատմամբ: Սա բնականաբար առաջիկա քաղաքական բանակցություններում չի կարող հաշվի չառնվել:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: