ԵՐԵՎԱՆ 26 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 194,29 դրամ ԱՐԾԱԹ - 244,39 դրամ ՊԼԱՏԻՆ - 12 845,66 դրամ

Շիրակի մարզի Կրաշեն համայնքում տրակտորիստ Հռիփսիմեն իր վրա է վերցրել գյուղի հոգսերը

Շիրակի մարզի Կրաշեն համայնքում այլևս ոչ ոք չի զարմանում, երբ տրակտորի ղեկի դիմաց կնոջ է տեսնում. Հռիփսիմեն մինչև տրակտորին հասնելը համագյուղացիներին զարմացրել է ՈւԱԶ վարելով:

Ինչպես փոխանցում է Սպուտնիկ Արմենիան` մանկուց գյուղական ամեն տեսակի աշխատանքներում ակտիվ աղջիկը վաղուց է շատերին զարմացրել իր նպատակասլացությամբ: Նա համագյուղացիներից պարզել է համայնքի առաջնային խնդիրը, գրել մի ծրագիր, որը հավանության է արժանացել, ու գյուղը տրակտոր է ստացել, որը վարում է ինքը` Հռիփսիմեն:

«Մինչ այդ գյուղացիներն ամեն ինչ անում էին ձեռքով, չկար նման բազմաֆունկցիոնալ տրակտոր, և այդ էր պատճառը, որ բնության մեջ ապրելով` նույնիսկ չէին հասցնում վայելել բնությունը։ Հենց այդ տեսնելով` որոշեցի դիմել տրակտորի ծրագրով»,- պատմում է Հռիփսիմեն:

Կրաշենցիներն այսօր իրենց հողը վարելու խնդիր չունեն. Հռիփսիմեն իրենց կողքին է։ Այնինչ միշտ չէ, որ այդպես է եղել:

«Երբ 24 տարեկանում որոշեցի բուհ ընդունվել, համագյուղացիներս ասացին` քո տարիքում բոլորն ամուսնանում, երեխաներ են ունենում, իսկ դու դեռ սովորում ես: Սկզբում զարմանում էին, իսկ հիմա արդեն սովորել են»,- ասում է Հռիփսիմեն՝ ավելացնելով, որ սրանով ինքն իր անելիքն ավարտված չի համարում. գյուղում շատ խնդիրներ կան, որոնք լուծում են պահանջում:


Ամենաընթերցվածը

օրվա

շաբաթվա

ամսվա

Եղանակ
Երևան
Ուժեղ քամի
Խոնավություն՝ 48%
Քամի՝ 40.23 կմ/ժ
26 C°
 
21°  32° 
21.07.2018
20°  30° 
22.07.2018
Հարցում

Սպասվու՞մ է արդյոք լարվածություն ղարաբաղյան սահմանին: