Թուրքիայում քարերով հարձակվել են հայկական եկեղեցական միության վրա (ՏԵՍԱՆՅՈՒԹ)

• 27.11.2017, 19:04
•  Տարածաշրջան,  Աշխարհ,  Սփյուռք

Թուրքիայում անհայտ անձիք քարերով հարձակվել են «Փրկության եկեղեցիների միության» Մալաթիայի՝ հայերին պատկանող ներկայացուցչության վրա:

Ինչպես փոխանցում է Ermenihaber-ը՝ հղում կատարելով թուրքական «Gazetekarinca.com» լրատվական կայքին,  հարձակման պահին շենքում մարդ չի եղել, կոտրվել են միայն շենքի ապակիները:

Նշվում է, որ շրջակայքում տեղադրված անվտանգության տեսախցիկները նկարահանել են հարձակումը, և հարձակման մասնակիցներից մի քանիսի դեմքերը պարզորոշ երևում են տեսանյութի մեջ:

Թուրքական ոստիկանությունը դեպքի վերաբերյալ հետաքննություն է սկսել: Հարձակվողները, սակայն դեռևս ձերբակալված չեն:

Հիշեցնենք, որ օրեր առաջ էլ Մալաթիայում անհայտ անձիք գիշերով ներկով տարբերակիչ նշումներ էին արել ալևիների տների պատերին: