Ի՞նչ կփոխվի Կատալոնիայում արտահերթ ընտրություններից հետո
Իսպանական El País հեղինակավոր թերթի պատվերով հասարակական կարծիքի հետազոտման Metroscopia կենտրոնի՝ նոյեմբերի 20-22-ը անցկացրած հարցումներից ստացված արդյունքների համաձայն՝ Կատալոնիայի բնակչության մոտ 1/3-ը շարունակում է հավատարիմ մնալ երկրամասի անկախացման գաղափարին:
Հարցվածների (1800 մարդ) 71%-ի համոզմամբ՝ անհրաժեշտ է համաձայնության գալ կենտրոնական իշխանությունների հետ, իսկ 24%-ի կարծիքով՝ պետք է շարունակել անկախության համար պայքարը:
Այս տարվա դեկտեմբերի 21-ին Կատալոնիայում արտահերթ խորհրդարանական ընտրություններ կանցկացվեն: Նույն հարցումների համաձայն՝ բնակչության միայն 56% է հավատում, որ ընտրություններից հետո երկրամասի նոր իշխանությունները կգնան Մադրիդի հետ բանակցությունների ճանապարհով, իսկ 26%-ը կարծում է, որ անկախության համար պայքարը կշարունակվի:
Նույն հարցումը անդրադարձել է նաև բուն ընտրություններին, որոնցում հաղթելու ամենամեծ հավանականությունն, ըստ հարցման տվյալների, «Կատալոնիայի ձախ հանրապետականներինն» է՝ ձայների 26.5%-ով, ինչը նրանց համար կապահովի խորհրդարանում 135 պատգամավորական մանդատից 39-ը: Հարցման մասնակիցները երկրորդ հորիզոնականը տվել են «Քաղաքացիներ» ցենտրիստական կուսակցությանը՝ 25.3% (35 տեղ):
Ի դեպ, երկու առաջատարներից մեկը՝ «Կատալոնիայի ձախ հանրապետականները», անկախության կողմնակիցներ են: Այս և «Միասին հանուն Կատալոնիայի» կուսակցությունների բլոկի առաջնորդը Generalitat-ի նախկին ղեկավար Կառլես Պուչդեմոնն էր: Իսկ մյուսը՝ «Քաղաքացիներ» կուսակցությունը դեմ է անկախության համար պայքարի շարունակությանը, և, ըստ կանխատեսումների, ընտրությունների արդյունքում կբարելավի իր դիրքերը խորհրդարանում:
Ինչ վերաբերում է Պուչդեմոնին, ապա վերջինս, գտնվելով Բելգիայում, հայտարարել է իր նախընտրական քարոզարշավի մեկնարկի մասին: Նա արդեն ներկայացրել է իր կուսակցական ցուցակը և հայտարարել, որ երկրամասի խորհրդարանական ընտրությունները պետք է ևս մեկ անգամ վերահաստատեն կատալոնացիների՝ անկախ պետականություն ունենալու ցանկությունը:
Բացի այդ, Պուչդեմոնը իսրայելական Kan հեռուստաալիքին տված հարցազրույցի ժամանակ հանդես է եկել ԵՄ-ում մնալու մասով Կատալոնիայում հանրաքվե անցկացնելու առաջարկով, որը Իսպանիայի վարչապետ Մարիանո Ռախոյը «աբսուրդ» է որակել:
Ստացվում է, որ Կատալոնիայում գալիք ընտրություններում անկախության կողմնակիցների և անկախության համար պայքարը շարունակելուն ընդդիմացողների շանսերը հավասարվում են: Սակայն, եթե հաշվի առնենք Մադրիդի ինքնավստահ կեցվածքը և եվրոպական պետությունների գրեթե միասնական դիրքորոշումը երկրամասի անկախացման վերաբերյալ, ինչպես նաև Պուչդեմոնի՝ կողմնակիցներ և գաղափարակիցներ կորցնելու հանգամանքը, ապա դժվար է հավատալ, որ ընտրությունների արդյունքները որևէ դրական տեղաշարժ կգրանցեն Կատալոնիայի անկախության կողմնակիցների համար:
Հիշեցնենք, որ Կատալոնիայի անկախության հանրաքվեն անցկացվել է 2017թ.-ի հոկտեմբերի 1-ին՝ գերլարված քաղաքական պայմաններում. հանրաքվեի ժամանակ, ըստ իսպանական աղբյուրների, ոստիկանությունը փորձել է խանգարել քվեարկությանը՝ ուժ կիրառելով անկախության կողմնակիցների նկատմամբ: Իսկ հոկտեմբերի 27-ին Կատալոնիայի խորհրդարանը կողմ է քվեարկել երկրամասի անկախացմանը:
Հանրաքվեից առաջ պաշտոնական Մադրիդը պնդում էր, որ դրա անցկացումը հակասում է Իսպանիայի սահմանադրությանը: Այսպիսով չճանաչվեցին ո՛չ հանրաքվեի արդյունքները և ոչ էլ Կատալոնիայի խորհրդարանի որոշումը: Ի դեպ, քվեարկությանը մասնակցել էր երկրամասի բնակչության 42.3%-ը, որից 90%-ը կողմ էր քվեարկել անկախությանը:
Շուտով Մադրիդը կիրառեց Իսպանիայի Սահմանադրության 155-րդ հոդվածը՝ երկրամասին զրկելով ինքնավարությունից:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 52%
Քամի՝ 3,6 կմ/ժ