ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 286,49 դրամ ԱՐԾԱԹ - 243,75 դրամ ՊԼԱՏԻՆ - 13 611,43 դրամ

Սեյսմապաշտպանության վարքականոններ՝ ինչ պետք է անել երկրաշարժից առաջ, ընթացքում և հետո. բաց դասեր դպրոցականների համար

mes.am

Բնակչության իրազեկվածության բարձրացման ուղղությամբ կատարվող աշխատանքների շրջանակներում ՀՀ ԱԻՆ-ը Սեյսմիկ պաշտպանության ծառայություն գործակալության միջոցով պարբերաբար իրականացնում է բնակչության տարբեր շերտերի ուսուցման աշխատանքներ՝ այցելելով դպրոցներ, ինչպես նաև հյուրընկալելով աշակերտներին ՀՀ ԱԻ նախարարության հարկի տակ: 1988թ. Սպիտակի երկրաշարժի տարելիցին ընդառաջ, ՀՀ ԱԻՆ աշխատակազմի «ՍՊԾ» գործակալությունը հերթական դասախոսություններ էր կազմակերպել երեխաների և ուսուցիչների համար: Այս մասին հայտնում է ՀՀ ԱԻՆ լրատվական ծառայությունը:

Դեկտեմբերի 5-ին «ՍՊԾ» գործակալության աշխատակիցներն այցելել էին Երևանի «Ուսում» հանրակրթական դպրոց՝ աշակերտներին և ուսուցչական կազմին ներկայացնելու երկրաշարժից պաշտպանվելու վարքականոնները:

Հաջորդ օրն արդեն ԱԻ նախարարություն էին այցելել Երևանի թիվ 121 և թիվ 155 դպրոցների 8-րդ դասարանի աշակերտները՝ իրենց ուսուցիչների ուղեկցությամբ: Այցելության ընթացքում ՍՊԾ գործակալության մասնագետները երեխաներին պատմեցին, թե ինչ է երկրաշարժը, ներկայացրեցին երկրաշարժից պաշտպանվելու վարքականոնները, ցույց տվեցին Ճապոնիայի միջազգային զարգացման գործակալության (JICA) տրամադրած երկրաշարժի դեպքում վաղ ազդարարման համակարգի սարքերը և բացատրեցին դրանց աշխատանքի սկզբունքները:
Անցկացված դասախոսությունների միջոցով պատանի հյուրերը և դպրոցների ուսուցչական կազմը ծանոթացան երկրաշարժի առաջացման պատճառներին, տեսակներին ու դրանց առանձնահատկություններին, Հայաստանում տեղի ունեցող երկրաշարժերի բնույթին և յուրահատկություններին:

Դասախոսությունների առանցքային թեմաներից էին սեյսմապաշտպանության վարքականոնները՝ ինչ պետք է անել երկրաշարժից առաջ, ընթացքում և հետո: Ներկայացվող նյութը մեծ արձագանք գտավ լսարանի կողմից, և երեխաները հնարավորություն ունեցան մասնագետներից ստանալ իրենց հետաքրքրող հարցերի պատասխանները:

Երեխաներն ու մանկավարժները հնարավորություն ունեցան նաև լինել ՀՀ ԱԻՆ ճգնաժամային կառավարման ազգային կենտրոնում և ծանոթանալ մարդուն հրատապ օգնության «911» ծառայության գործունեության առանձնահատկություններին:

Այցելության ավարտին կրթօջախների ուսուցիչները շնորհակալություն հայտնեցին ուսանելի հանդիպման համար և ընդգծեցին նման միջոցառումների կազմակերպման անհրաժեշտությունը:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 70%
Քամի՝ 6.44 կմ/ժ
0 C°
 
   
20.12.2017
  10° 
21.12.2017
Հարցում

Արդյո՞ք ԱՄՆ կողմից Երուսաղեմի ճանաչումը Մերձավոր Արևելքում լարվածության նոր օջախ կստեղծի: