Աշխարհի 85 երկրներում աթեիստներին հետապնդում են

• 08.12.2017, 20:52
•  Եվրոպա,  Աշխարհ

LSE Blogs

Եվրախորհրդարան ներկայացված նոր զեկույցի տվյալներով՝ աթեիստները դաժան խտրականության են ենթարկվում աշխարհի 85 երկրում: Զեկույցը կազմած Միջազգային հումանիտար և էթիկական միությունը (IHEU) նշում է, որ վերջին 12 ամիսների տվյալներով՝ անհավատներին հետապնդում են առնվազն 7 երկրում՝ Հնդկաստանից եւ Մալայզիայից մինչեւ Սուդան եւ Սաուդյան Արաբիա, փոխանցում է News.am-ը։

«2017 թվականին մտքի ազատության մասին» կազմակերպության զեկույցում որևէ հավատի չհետևող մարդկանց «դաժան խտրականության» դեպքեր են արձանագրվել 85 երկրում: Այս երկրներից յոթում՝ Հնդկաստանում, Մավրիտանիայում, Մալայզիայում, Պակիստանում, Սաուդյան Արաբիայում, Սուդանում և Մալդիվներում անհավատներին «ակտիվորեն հետապնդում» են, պնդում են զեկույցի հեղինակները:

Իրավիճական ամենից վատ է IHEU-ի փորձագետների կողմից իրեն որեւէ կրոնի հետեւորդ չհամարող մարդկանց համար վտանգավոր համարվող 85 երկրից 30-ում. այնտեղ վերջին 12 ամսում կոպիտ խախտումներ են գրանցվել: Դա կարող է լինել աստվածանարգության կամ կրոնին վիրավորելու մեջ կասկածվողների արտադատական հաշվեհարդար, իշխանությունների կողմից ճնշումներ կամ նույնիսկ նրանց անհետացում:

Զեկույցում նշվում է, որ այս 30 երկրից 12-ում հավատուրացությունը՝ կրոնափոխությունը կամ դրանից հրաժարվելը մահապատժով է սպառնում: