Նաիրա Կարապետյան. ԵԽԽՎ-ի համար 2017թ-ը բեկումնային էր (ԲԱՑԱՌԻԿ)
«Արմեդիա» ՏՎԳ-ն ներկայացնում է բացառիկ հարցազրույց Միացյալ Ազատական Ազգային Կուսակցության (ՄԻԱԿ) քարտուղար, Ազգային Ժողովի 5-րդ գումարման պատգամավոր Նաիրա Կարապետյանի հետ:
- Տիկի´ն Կարապետյան` որպես Ազգային Ժողովի 5-րդ գումարման բավականին ակտիվ գործունեություն ծավալած պատգամավոր, ինչպե՞ս կգնահատեք նոր գումարման Ազգային Ժողովի խորհրդարանական դիվանագիտությունը, դրա վերակազմակերպմանն ուղղված ջանքերը:
- Եկեք հարցը դիտարկենք 2 տեսանկյունից` բովանդակային և կազմակերպչական, քանի որ այն իր մեջ ներառում է նաև վերակազմակերպմանը վերաբերող տարր:
Մեր երկրի արտաքին քաղաքական կուրսը շատ հստակ է, կայուն: Եվրամիության հետ վերջերս ստորագրված Համապարփակ և ընդլայնված գործընկերության համաձայնագիրն էլ ավելի է ամրապնդել մեր դիրքերը: Մեր խորհրդարանական դիվանագիտության առջև դրված խնդիրներից կուզեի առանձնացնել մեկը, այն է` արտաքին քաղաքականության կուրսի հստակ պահպանման հետ մեկտեղ առանցքային դիրքում պահել Արցախի հիմնախնդրի խաղաղ և հայանպաստ կարգավորման հիմնահարցը: Այստեղ մեր դիվանագիտության թիվ մեկ խնդիրն է հարցի կարգավորման ձևաչափի պահմանումը` Մինսկի խմբի մանդատի ներքո, ի հեճուկս Ադրբեջանի կողմից ձեռնարկվող բազմաթիվ փորձերի` հարցը տանելու այլ պլատֆորմներ, շատ ժամանակ միջազգային խորհրդարանական հարթակներ: Այս փորձերը բոլորն ապարդյուն են հենց մեր խորհրդարանական դիվանագիտության հետևողական և հմուտ աշխատանքի շնորհիվ:
Բնականաբար, երկրի կառավարման համակարգի փոփոխությունը, որը ենթադրում է նաև խորհրդարանական դիվանագիտության դերի արժևորում, սկզբնական շրջանում առաջացնում է որոշակի դժվարություններ, սակայն դրանք հաղթահարելի են` միասնական աշխատանքի պայմաններում: ԱԺ միջազգային խորհրդարանական պատվիրակությունները, հանձնաժողովները, բարեկամական խմբերը պետք է աշխատեն սինթեզավորված, ինչը կբերի թե’ ավելի մեծ արդյունքի, թե’ կբացառի գործի կրկնակի, եռակի կատարումը: Ներկայումս մեծ աշխատանք է տարվում այս ուղղությամբ:
Խոսքս չի վերաբերում բացառապես ինֆորմացիոն և տեխնիկական միասնականությանը: Սրանից զատ, պետք է հիշել, որ Ազգային ժողովի պատգամավորը քաղաքական պաշտոն է, ներկայացված քաղաքական ուժերն ունեն սեփական քաղաքական օրակարգ, և շատ ժամանակ հենց արտաքին ոլորտն է այն ոլորտը, որտեղ շատ դժվար է դառնում միասնականությունը: Եվ քաղաքական ուժերը պետք է նույնպես մեծ ուշադրություն դարձնեն իրենց կողմից ներկայացվող կազմին: Այստեղ հարկ եմ համարում մեջբերել հայտնի «կադրերն են որոշում ամեն ինչ» արտահայտությունը:
Ամփոփելով այս ամենը՝ կարող եմ արձանագրել, որ արդյունավետ աշխատանքի համար ձևավորված է բավականին լավ միջավայր:
- Դուք եղել եք նաև ԵԽԽՎ հայաստանյան պատվիրակության անդամ և շատ ակտիվ ներգրավվածություն եք ունեցել Վեհաժողովի աշխատանքներում: Ինչպե՞ս կգնահատեք այդ կառույցում տեղի ունեցած զարգացումները 2017թ-ին:
- ԵԽԽՎ-ի համար 2017թ-ը կարելի է անվանել բեկումնային: Սա մի տարի էր, որը կարելի է պայմանականորեն անվանել նաև «զարթոնքի տարի»: Այն, ինչ տեղի ունեցավ ԵԽԽՎ նախկին նախագահ Պեդրո Ագրամունտի հետ, արդյունք է մի մեծ աշխատանքի, որում իր մասնաբաժինն ունի նաև մեր պատվիրակությունը: Ադրբեջանը չէր կարող հավերժ իր գրպանում պահել ԵԽԽՎ մի շարք պատգամավորների, և կծիկը սկսեց քանդվել: Այս կծիկի քանդվելու գործընթացը, ցավոք, հնարավոր չէ շատ մանրամասն ներկայացնել, քանի որ, ինչպես սիրում եմ հաճախ կրկնել, արտաքին քաղաքականությունը նման է այսբերգի, և թաքնված մասը շատ ժամանակ մի քանի անգամ մեծ է երևացող մասից:
Եվ այսպես, ամեն ինչ սկսվեց Իտալիայից` ԵԽԽՎ ԵԺԿ խմբի նախկին ղեկավար, Իտալիայի պատվիրակության ներկայացուցիչ Լուկա Վոլոնտեի և Ադրբեջանի մի քանի պաշտոնյաների նամակագրության գաղնազերծումից, որտեղ հստակ էր, որ իտալացի պատգամավորը ծառայություններ է մատուցել Ադրբեջանին` ստանալով իր աշխատանքի դիմաց մեծ գումար: Սա առաջին սառը ցնցուղն էր ԵԽԽՎ-ի համար: Տարիներ շարունակ Ադրբեջանը «ժողովրդավարության բնօրրանը» վերածում էր «կաշառակերության բնօրրանի»: Մեր կողմից բազմիցս հնչեցվել են անուններ, բերվել փաստեր, և ի ուրախություն ինձ, սա սկսել է տալ կոնկրետ արդյունք:
Լինելով կանոնադրական, քաղաքական և սոցիալական հանձնաժողովների անդամ՝ այս տարիների ընթացքում ես շատ եմ առերեսվել այս կամ այն ադրբեջանամետ լոբբիստների խմբի ջանքերին` Վեհաժողովին տանելու զարտուղի ճանապարհներով, ներկայացնելու աղավաղված փաստեր, շատ ժամանակ նաև` բացահայտ սուտ:
Լոբբիստների պարագլուխն էր Պեդրո Ագրամունտը, և շատ ուրախալի է, որ Վեհաժողովն այդքան առողջ գտնվեց և կարողացավ չտրվել նրանց կազմակերպած սադրանքներին, և հենց նրա նախագահության օրոք ԵԽԽՎ որոշմամբ ստեղծվեց Վեհաժողովից անկախ հետաքննող մարմին` ԵԽԽՎ պատգամավորների կաշառվածության դեպքերը հետաքննելու համար:
Զուգահեռ ԵԽԽՎ կանոնադրական հանձնաժողովը կատարեց մի շարք փոփոխություններ` պատգամավորների աշխատանքների թափանցիկության ապահովման և նրանց` ԵԽԽՎ-ին հաշվետվողականությունը բարձրացնելու ուղղությամբ: Իհարկե, ամենամեծ հաղթանակը կանոնադրության մեջ ԵԽԽՎ նախագահի հետկանչի սկզբունքի ավելացումն էր: Զգալով խայտառակության անդառնալիությունը` Պեդրոն հեռացավ: Եղան այլ հրաժարականներ ևս: Սա Ադրբեջանի ֆիասկոն էր:
Չմոռանանք, սա նույն Պեդրոն էր, ով խախտելով նույն կանոնակարգը, անգամ թույլ չէր տալիս խոսել Ադրբեջանի կողմից պատգամավորներին կաշառելու մասին՝ անջատելով իմ և գործընկերներիս խոսափողը:
Ներկայումս ԵԽԽՎ-ում ստեղծվել է մի միջավայր, որը մեր պատվիրակությանը տալիս է բացառիկ հնարավորություն՝ շարունակելու Եվրոպային ներկայացնել Ադրբեջանի անհամապատասխանությունը քաղաքակիրթ աշխարհին:
- Եվ վերջում, ի՞նչ կմաղթեք մեր ընթերցողներին նոր տարում:
- Բնականաբար, առաջին հերթին կմաղթեմ խաղաղություն` խաղաղություն երկրում, ընտանիքում, հոգում և սրտում: Կմաղթեմ լավատեսություն. բոլոր դժվարությունները ժամանակավոր են, չնայած և տեսանելի, իսկ լավատեսությունը, հավատացնում եմ, տանում է դրանց շուտափույտ հաղթահարմանը: Կմաղթեմ առողջություն, սեր, ուժ, վստահություն և և անսպառ ժպիտներ: Թող 2018 թվականը լինի ամենանվիրական երազանքների իրականացման տարի:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 35%
Քամի՝ 1,54 կմ/ժ