Սլավիկ Հայրապետյանը կարճ ծրագրով փայլուն հանդես եկավ գեղասահքի Եվրոպայի առաջնությունում՝ հաղթահարելով որակավորման փուլը (ՏԵՍԱՆՅՈՒԹ)

• 18.01.2018, 10:32
•  Հայաստան,  No-politics

Մոսկվայում մեկնարկած գեղասահքի Եվրոպայի առաջնությունում կարճ ծրագրով հանդես եկան տղամարդիկ: Հայաստանի ներկայացուցիչ Սլավիկ Հայրապետյանը փայլուն հանդես եկավ և 36 մարզիկների մեջ զբաղեցրեց 14-րդ տեղը, ինչը լավագույն արդյունքն է նրա կարիերայում, հայտնում է ՀԱՕԿ լրատվական բաժինը:

Մեր գեղասահորդը վաստակած 69.49 միավորով անհատական ռեկորդ սահմանեց: Հայրապետյանը 24 լավագույն մարզիկների մեջ հաղթահարեց որակավորման փուլը և հունվարի 19-ին հանդես կգա կամավոր ծրագրով: 

Կարճ ծրագրի արդյունքով ուժեղագույնների եռյակը կազմում են՝ Խավիեր Ֆերնանդեսը (Իսպանիա, 103.82), Դմիտրի Ալիեւը (ՌԴ, 91.33), Դենիս Վասիլեւը (Լատվիա, 85.11):