ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ո՞վ է դառնալու Ռուսաստանի «օրենքով գողերի» նոր թագավորը՝ հայը, ադրբեջանցին, վրացին, թե՞ ռուսը

Moviepilot

Շաքրո Մոլոդոյը, Վասյա Վոսկրեսն ու Էդուարդ Թբիլիսցին համարվում են քրեական աշխարհի ամենաազդեցիկները, սակայն ռուսական մաֆիայի աթոռը դեռևս թափուր է: Դրա համար պայքար է մղվում հին և նոր «գողերի» սերնդի ներկայացուցիչների միջև:

«ՌԻԱ Նովոստի»-ն դոսյե է ստեղծել Ռուսաստանի «օրենքով գողերի» նոր թագավորի կոչմանը հավակնող հիմնական թեկնածուների մասին։

Շաքրո Մոլոդոյ 

Վրաստանում ծնված Զախարի Կալաշովը` Շաքրո Մոլոդոյ մականունով, դեռ երիտասարդ ժամանակ երկու անգամ հասցրել է բանտում հայտնվել։ Թբիլիսյան բանտում օրենքով գողի կարգավիճակ ստանալով` նա տեղափոխվել է Մոսկվա և սկսել  ռեստորանային բիզնեսով զբաղվել։ Սակայն, օրինական եկամտից բացի, նա նաև ստվերային եկամուտ ուներ։ Ոչ պաշտոնական տվյալների համաձայն` նա զբաղվել է շորթմամբ ու ռեյդային հարձակումներով։ Երեք անգամ նրա դեմ մահափորձ են կատարել, որից հետո նա Իսպանիա է տեղափոխվել։ Եվրոպայում շարունակել է իր քրեական գործունեությունը, որի պատճառով էլ տեղի ոստիկանությունը սկսել է հետապնդել նրան։ Վտանգ զգալով`Կալաշովը թաքնվել է Արաբական Միացյալ Էմիրություններում։ Սակայն, նրան արագորեն ձերբակալել են ու արտաքսել երկրից։ Փողերի լվացման և կազմակերպված հանցավոր խմբավորում ստեղծելու համար իսպանական դատարանը նրան դատապարտել է 9 տարվա ազատազրկման:

© РИА Новости / Максим Блинов

Այդ ընթացքում Կալաշովին արդեն սպասում էին պատմական հայրենիքում, որտեղ ուրիշին առևանգելու համար նա 18 տարվա ազատազրկման էր դատապարտվել: Սակայն ազատության մեջ հայտնվելուց հետո Վրաստանի փոխարեն նա ՌԴ է մեկնում: 2015 թվականին 8 մլն ռուբլու շորթման մեղադրանքով նա նորից մեկուսարանում է հայտնվել` այս անգամ մոսկովյան: Այժմ 64-ամյա Շաքրոյի գործը քննում է դատարանը:

Լոտու Գուլի

Լոտու Գուլի մականունով բաքվեցի օրենքով գող Նադիր Սալիֆովը 1995 թվականին շորթման, մարդկանց առևանգելու և ապօրինի զենք պահելու համար դատապարտվել էր 27 տարվա ազատազրկման: Sputnik Ադրբեջանի տվյալներով՝ անգամ ճաղերի հետևում նա մի շարք ծանր հանցագործություններ է կատարել: Նա բջջային հեռախոսների միջոցով ազդեցիկ քաղաքացիներից փողեր է շորթել:

© Фото : ИА "Прайм Крайм"

2017-ի աշնանը նրան վաղաժամկետ ազատ են արձակել: Ազատության մեջ նրան անհամբերությամբ սպասում էին Մոսկվայի և Ռուսաստանի այլ խոշոր քաղաքների շուկաներում առևտրով զբաղվող հայրենակիցները: Բանն այն է, որ ադրբեջանցի «օրենքով գող» Ռովշան Ջանիևայի սպանությունից հետո Դաղստանի քրեական հեղինակություններն են նրանց վրա վերահսկողություն սահմանում:

Որոշ տվյալներով՝ այժմ 45-ամյա Գուլին գտնվում է Թուրքիայում, որտեղ պարբերաբար ժողովներ է անցկացնում և լուրջ թիմ է հավաքում:

Վասյա Վոսկրես

 Վասյա Վոսկրես մականունով Նիժնի Նովգորոդից Վասիլի Խրիստոֆորովը օրենքով գողերի չափանիշներով քրեական աշխարհ է մտել բավական ուշ՝ բանակում ծառայելուց հետո: Փոխարենը հանցավոր աշխարհում նա բավականին սրընթաց հաջողությունների է հասել։ Տաքսու վարորդի վրա ավազակային հարձակման համար իր առաջին ազատազրկման հետ մեկտեղ նա նաև օրենքով գողի կարգավիճակ ձեռք բերեց։ Ազատ արձակվելով` Խրիստոֆորովը բնակություն հաստատեց իր երկրում, որտեղ ղեկավարեց հանցավոր խմբավորումներից մեկը։ Այդ ժամանակ նրան սկսեց հետաքրքրել Սարով քաղաքի մետաղներ վերամշակող գործարանը։ Բայց նա լուրջ մրցակիցներ ուներ՝ մարզիկների մի խումբ, որը գլխավորում էր տեղացի ձեռնարկատերը:

2003-ին Նիժնի Նովգորոդի կենտրոնի սրճարանում երկու հանցավոր խմբերը հավաքվելով փորձում են որոշել, թե ով է ի վերջո ղեկավարելու ձեռնարկությունը: Զրույցն ավարտվում է ձեռնամարտով և հրաձգությամբ: Այս կռվի ժամանակ ոչ միայն երկու կողմերի անդամներն են լուրջ վնասվածքներ ստանում, այլ նաև նրանց առաջնորդները:

Այս կռվի համար Վասյան նորից է դատապարտվել: Սակայն, այս անգամ ճաղերի հետևում նա մնացել է ընդամենը երկու տարի՝ խուլիգանություն կատարելու մեղադրանքով:

45-ամյա օրենքով գողը համարվում է Շաքրո Մոլոդոյին հաջորդողներից մեկը:

Էդիկ Թբիլիսցի 

Էդիկ Թբիլիսցի մականունով Վրաստանի քաղաքացի Էդուարդ Ասատրյանը դեռ 1990-ականներից է օրենքով գող դարձել: Պնդում են, որ նրան թագադրել են դեռ վրացական բանտում: Նա նաև հասցրել է լինել Վլադիմիրսկի ցենտրալում, որտեղ պատիժը կրել է հայտնի օրենքով գող Սաշա Սևերնիի հետ։  Որոշ տվյալներով` հեղինակությունը նախկինում եղել է ռուսական հանցավոր աշխարհի թագավոր Ասլան Ուսոյանի (Դեդ Հասան մականունով) կլանում, ով 2013-ին է սպանվել Մոսկվայում։ Այլ տվյաներով՝ նա, ընհակառակը, բացահայտ Դեդ Հասանի դեմ է դուրս եկել:

© Фото : ИА "Прайм Крайм"

Ասատրյանը տարբերվում է ոչ միայն մեծաքանակ դատվածություններով, այլև բուռն խառնվածքով: 2000 թվականին ոստիկանների շուրջկալի ժամանակ նա փորձել է ТТ ատրճանակ խլել: Մի քանի տարի անց Սոչիի ռեստորանում նա ձերբակալվել է խուլիգանության համար, իսկ 2014-ին Մոսկվայում մի քանի գրամ կոկային պահելու մեղադրանքով դատապարտվել է 3 տարվա ազատազրկման: 2017-ի ամռանը 50-ամյա հեղինակությունը ազատվել է բանտից:

Տարո

Վրաստանի հանքաարդյունաբերական քաղաքի բնակիչ Տարո մականունով Տարիել Օնիանին խորհրդային հասարակարգի վերջին օրենքով գողերից է: Օրենքով գողի կարգավիճակ նա  ստացել է դեռևս 1970-ականներին։ Նա ունի ընդհանուր առմամբ 10 տարվա դատվածություն՝ գողությունների, ավազակությունների, ինչպես նաև շորթման համար:

1980-ականներին Օնիանին հաստատվել է Մոսկվայում՝ գլխավորելով բավականին ազդեցիկ, այսպես կոչված «քութաիսյան խմբավորումը»:



1990-ականներին տեղափոխվել է Ֆրանսիա, այնտեղից՝ Իսպանիա: Երբ Եվրոպայում սկսեցին ռուսական մաֆիային հետապնդել, Տարոնը վերադարձավ Ռուսատան: 2010-ին նրան կալանավորել են մի գործարարի առևանգելու համար և 10 տարվա ազատազրկման դատապարտել:
Այնուամենայնիվ, 65-ամյա օրենքով գողի հեղինակությունն այնքան բարձր է, որ նույնիսկ ճաղերի ետևում վտանգավոր մրցակից է համարվում։  


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: