Վիկ Դարչինյան. Եթե ևս մեկ ամիս առաջարկներ չստանամ, ապա հնարավոր է հայտարարեմ կարիերայիս ավարտի մասին

• 21.02.2018, 23:17
•  No-politics

Asekose.am

Պրոֆեսիոնալ բռնցքամարտիկ, տարբեր վարկածների չեմպիոնի տիտղոսակիր, աշխարհի նախկին բացարձակ չեմպիոն Վախթանգ Դարչինյանը համոզված է, որ նրա կարիերան մոտենում է ավարտին։ Այդ մասին նա պատմել է «Ռեսպուբլիկա Արմենիային» տված հարցազրույցում, փոխանցում է Սպուտնիկ Արմենիան: 

«Կարծում եմ` այն պահը, երբ ստիպված կլինեմ լքել ռինգը սարերի հետևում չէ։ Եթե ևս մեկ ամիս առաջարկներ չստանամ բռնցքամարտի անցկացման համար, ապա, ամենայն հավանականությամբ, մարտի վերջին կամ ապրիլի սկզբին կհայտարարեմ կարիերայիս ավարտի մասին։ Մտադիր եմ անել դա Հայաստանում։ Հանդես կգամ հատուկ հայտարարությամբ», - ասել է Դարչինյանը։