ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Չինաստանի սահմանդրական փոփոխությունները. նոր դարաշրջան նոր հավակնություններով

Reuters

Ժողովրդական ներկայացուցիչների համաչինական ժողովի ժամանակ Չինաստանի սահմանադրությունում կատարվել են էական փոփոխություններ, որոնք արտացոլում են ինչպես Չինաստանի աճող հավակնությունները, այնպես էլ երկրի գործող առաջնորդ Սի Ծինփինի իշխանության ամրապնդումը: Այսպես, սահմանադրությունում կատարվել են փոփոխություններ, որով չեղարկվում է Չինաստանի ղեկավարի և նրա տեղակալի՝ պաշտոնում գտնվելու 5-ամյա երկու ժամկետի սահմանափակումը:

Բացի այդ, սահմանադրության տեքստ է մտցվել Սի Ծինփինի անունը և նրա մտքերը «նոր դարաշրջանում չինական առանձնահատկություններով սոցիալիզմի զարգացման մասին»: Սա նշանակում է, որ Ծինփինի հետ ցանկացած բանավեճ երկրի զարգացման վերաբերյալ կարող է դիտարկվել որպես Չինաստանի սահմանադրական կարգի նկատմամբ ոտնձգություն:

Ծինփինի գաղափարների սահմանադրությունում մտքի կարգավիճակ տալու և այդ կերպ նրան երկրի և ՉԿԿ-ի հիմնադիր Մաո Ցզեդունին հավասարեցնելու մասին հայտարարվել էր դեռևս 2017 թվականի հոկտեմբերին՝ Չինաստանի կոմկուսի 19-րդ համագումարի ժամանակ: Նման պայմաններում, բնականաբար, ակնկալվում էր, որ Ծինփինը մոտ ժամանակներում չի պատրաստվում լքել քաղաքական ասպարեզը, իսկ իր իրավահաջորդին համագումարի ժամանակ չհայտարարելն ասվածի ևս մեկ ապացույց էր:

Ավելին՝ սահմանադրական փոփոխություններով հիմք է նախապատրաստվում նրա իշխանության էլ ավելի ամրապնդման համար: Սահմանադրական փոփոխությունները նախատեսում են հակակոռուպցիոն նոր մարմնի ստեղծում: Սի Ծինփինը, 2013 թվականին գալով իշխանության, բավականին արդյունավետ պայքար է մղում կաշառակերության դեմ՝ դրանով մաքրելով կուսակցության շարքերը և ինչու ոչ՝ պայքարելով այլախոհության դեմ: Ակնհայտորեն այդ ջանքերը նա բավարար չի համարում:

Ինչպես արդեն նշեցինք, Չինաստանի Սահմանադրությունում ավելացվել է կետ, որի համաձայն՝ Չինաստանը մտնում է նոր դարաշրջան չինական առանձնահատկություններով սոցիալիզմի կառուցման միջոցով: Ըստ Ծինփինի՝ Չինաստանն ապացուցել է միակուսակցական կոմունիստական պետության մոդելի կենսունակությունն, և այդ մոդելը պետք է դառնա նոր ընտրություն զարգացող երկրների համար: Սա թերևս գերտերությունների և, մասնավորապես, ԱՄՆ-ի համար ամենամտահոգիչ կետն է Չինաստանի սահմանադրությունում, քանի որ այսպիսով Չինաստանը հայտարարում է համաշխարհային քաղաքականությունում իր դերակատարման ակտիվացման և ազդեցության տարածման հավակնությունների մասին:

Սահմանադրությունում նաև ամրագրվել է, որ Չինաստանի զարգացման հիմնական ուղղություններից հատուկ ուշադրություն է դարձվելու գյուղատնտեսության զարգացմանը, տեխնոլոգիական հետամնացության կրճատմանը, բնակչության բարեկեցության մեծացմանը: Վերջինս համարվում է Չինաստանի թիվ մեկ առաջնահերթությունն առաջիկա տարիների համար:

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: