Երուսաղեմի Հայոց պատրիարքությունը նշել է Ծաղկազարդը

• 02.04.2018, 19:31
•  Աշխարհ,  Հայաստան,  Սփյուռք

news.am

Երուսաղեմի Հայոց պատրիարքությունը ապրիլի 1–ին հանդիսավոր կերպով նշել է Քրիստոսի հաղթական մուտքը Երուսաղեմ խորհրրդանշող Ծաղկազարդը, գրում է Արցախպրեսը:

Երուսաղեմի Սրբոց Հակոբյանց միաբանության կայքի փոխանցմամբ՝ մարտի 31–ին Երուսաղեմի հայ հոգևորականները «Հրաշափառով» մուտք են գործել Սուրբ Հարության տաճար, որտեղ Քրիստոսի պատանքի քարի և գերեզմանի մոտ երկրպագությունից տեղի են ունեցել ժամերգություն, նախատոնակ և վերջում հանդիսավոր թափոր։

Արդեն բուն Ծաղկազարդին՝ ապրիլի 1–ին,  հայ հոգևորականները կրկին հանդիսավոր մուտք են գործել Հարության տաճար և պատարագ մատուցել Հայոց Գողգոթայում, որից հետո միաբան Հայրերը արմավենու ճյուղերը ձեռքներին եռադարձ թափոր են կատարել։ Հայոց թափորին մասնակցել են նաև Հայ եկեղեցուն հետևող Ղպտի և Ասորի եկեղեցիները։

Նշենք, որ Երուսաղեմում կրոնական տոնացույցը հին տոմարով է նշվում։  Երուսաղեմում Հարության տոնը նշվելու է ապրիլի 8–ին։