ԵՐԵՎԱՆ 14 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ընտրություններ, թե՞ «քաղաքական ֆարս». դժգոհություններ Ադրբեջանի նախագահի ընտրությունների հետ կապված

The Washington Post

Ինչպես և ակնկալվում էր, Ադրբեջանի գործող նախագահ Իլհամ Ալիևը չորրորդ անգամ անընդմեջ կզբաղեցնի երկրի ղեկավարի պաշտոնը:  

Ըստ երկրի Կենտրոնական ընտրական հանձնաժողովի հրապարակած պաշտոնական տվյալների՝ նախագահական ընտրություններին մասնակցել է ընտրելու իրավունք ունեցողների 74.51%-ը, որի 86%-ն իր ձայնը տվել է Ալիևին:

Ընտրություններից հետո վերարտադրված նախագահին հասցրել են շնորհավորել Ռուսաստանի, Վրաստանի, Թուրքիայի, Իրանի, Բելառուսի, Ուկրաինայի ղեկավարները:

Սակայն Ադրբեջանում նախագահի ընտրությունների շուրջ ամեն ինչ միանշանակ չէ: Ադրբեջանական ընդդիմադիր ուժերն արդեն բարձրաձայնել են ընտրախախտումների՝ քվեաթերթիկների լցոնումների, ֆիզիկական ուժի կիրառմամբ լրագրողների և տեղական ու միջազգային դիտորդների աշխատանքի խոչընդոտման, կրկնաքվեարկությունների դեպքերի մասին և չեն ճանաչում ընտրությունների արդյունքները: Ընդդիմադիր ուժերի կարծիքով` ընտրությունները չեն արտացոլում ժողովրդի կամքը, խախտում են Ադրբեջանի միջազգային պարտավորությունները, հակասում երկրի սահմանադրությանը:

Ադրբեջանի ընդդիմադիր Ժողովրդավարական ուժերի ազգային խորհուրդը, որը բոյկոտել էր նախագահական ընտրությունները, ապրիլի 14-ին հանրահավաք կանցկացնի՝ որպես ընտրությունների արդյունքների դեմ բողոքի ակցիա:

Հիշեցնենք, որ նախագահական ընտրությունները բոյկոտել էին նաև ընդդիմադիր «Մուսավաթ» կուսակցությունը և Ազգային ճակատը:

Սակայն ադրբեջանական ընդդիմությունը չէ միայն, որ դժգոհություն է հայտնում ընտրությունների արդյունքների վերաբերյալ:

Համաշխարհային ճանաչում ունեցող ''Foreign Policy'' ամսագիրը ադրբեջական ընտրություններից առաջ խոսել էր Ալիևի անխոչընդոտ վերարտադրության, երկրում ավտորիտար ռեժիմի ամրապնդման և մարդու իրավունքների խախտման մասին: Ըստ ամսագրի՝ Ադրբեջանում ընտրությունների արդյունքները վաղուց կանխորոշված էին, իսկ ընտրություններն այնքան ակնհայտ կեղծիք են, որ առաջատար ընդդիմադիր ուժերը պարզապես բոյկոտել են այն և կազմակերպել են զանգվածային բողոքի ակցիա, քանի որ ընդդիմությունն այդ երկրում ճնշված է, իսկ ընտրությունները՝ «քաղաքական ֆարս»:

''Foreign Policy''-ն Ադրբեջանի իշխանություններն անվանել է տարածաշրջանի ամենակոռումպացված և ավտորիտար ռեժիմը: Ի տարբերություն այլ երկրների՝ Ադրբեջանին հաջողվել է այսքան ժամանակ խուսափել ցանկացած պատժամիջոցից, որին Ադրբեջանն արժանի է մարդու իրավունքների և քաղաքական ազատությունների դեմ իրականացրած ոտնձգությունների պատճառով, գրում է ամսագիրը: Պատճառն, իհարկե, Բաքվի էներգառեսուրսներն են, որոնց շնորհիվ այդ երկրի գործողություններն անպատիժ են մնում:

Ամսագիրն անդրադարձել է նաև ալիևյան այն հայտարարությանը, ըստ որի՝ «Երևանը ադրբեջանական տարածք է», ինչպես նաև վերջինիս առավելապաշտական և սպառնալիք պարունակող այլ հայտարարություններին՝ ուղղված Հայաստանի և Արցախի դեմ՝ որակելով դրանք որպես «միջոց՝ համախմբելու սեփական ժողովրդին»:

''The Washington Post''-ն իր հերթին անդրադարձել է Ալիևի կողմից հայտնի փոփ աստղերի «ներգրավմանը» իր քաղաքական ծրագրերում: Այսպես, Ադրբեջանի նախագահը ապրիլի 28-ին երկրում կայանալիք «Ֆորմուլա 1»-ին հրավիրել է համաշխարհային աստղերի՝ շեղելու համար մարդկանց ուշադրությունը և խուսափելու ընտրություններով պայմանավորված՝ դժգոհության ալիքից: Ըստ թերթի՝ Ալիևին հաջողվում է խեղդել երկրում ժողովրդավարությունը՝ ներդնելով հսկայական ֆինանսական միջոցներ: Թերթը նշել է, որ այդ միջոցներն Ալիևը կիրառում է ոչ միայն երկրի ներսում, այլև Եվրոպայում՝ հիշեցնելով «Ադրբեջանական լվացքատուն» անունը ստացած սկանդալային բացահայտումների մասին:  

Նշենք, որ այս ընտրություններն առաջինն էին Ադրբեջանում սահմանադրական փոփոխություններից հետո, որոնց համաձայն նախագահի կառավարման ժամկետը 5-ից դարձել է 7 տարի:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 26%
    Քամի՝ 0,51 կմ/ժ
    14 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: