ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Լապշինը՝ երևանյան ցույցերի մասին. Դրանք ավելի շատ նման են ժողովրդական տոնակատարության, քան հեղափոխության

Այս օրերին, երբ Երևանում հազարավոր մարդիկ փողոց են դուրս եկել` բողոքելու գործող իշխանության դեմ, հայտնի բլոգեր ու ճանապարհորդ Ալեքսանդր Լապշինը Երևանում է։

«Այստեղի ընկերներս ասում էին, որ Երևանում եմ հայտնվել Հայաստանի համար ճակատագրական պահի, երբ ժողովուրդը փողոց է դուրս եկել` մերժելու Սերժ Սարգսյանի վարչապետությունը», - գրել է նա իր բլոգում, փոխանցում է Սպուտնիկ Արմենիան։ 

Սակայն ինքը` բլոգերը, հանրահավաքներն ավելի շատ նմանացրել է ժողովրդական տոնակատարության, քան հեղափոխության։

«Քաղաքով զբոսնելիս` ես այլ պատկերի ականատես եղա։ Մարդիկ շատ էին, բայց նրանց մեծ մասը երիտասարդ աղջիկներ ու տղաներ էին, որոնց համար «հեղափոխությունը» միայն ինքնադրսևորման միջոց է։ Երիտասարդները քայլում էին, շատերը գրկախառնված էին, համբուրում էին իրենց ընկերուհիներին ու նրանց ծաղիկներ նվիրում, ծիծաղ էր լսվում ու ընդհանուր առմամբ տրամադրությունը բարձր էր… Այս ամենին գումարեք հիանալի եղանակը, գեղեցիկ քաղաքն ու ստանում ենք «տուն–տունիկ» հեղափոխություն, որը խանգարեց երևի միայն ավտոսիրահարներին, որոնք բարիկադների պատճառով երկու օր է չեն կարող քաղաքի կենտրով անցնել», - նշում է նա։

Լապշինի խոսքով` այդ միջավայրում մենակ Սարգսյանն էր պակաս։

«Իսկ ինչու՞ ոչ։ Նա հումորով մարդ է, կարծում եմ», - գրում է նա։

Բլոգերը խոստովանում է, որ հեռու է քաղաքականությունից ու միայն կողմնակի դիտորդ է։

«Ինձ մոտ տպավորություն է ստեղծվում, որ այս ամենը ոչ թե ընդդիմության հանրահավաք է, այլ բեմադրած շոու, որը վերացվել է ժողովրդական տոնակատարության… Հանրապետության հրապարակում երիտասարդությունը տժժում էր։ Այն ամենը, ինչ տեղի էր ունենում, ասես տոնակատարություն լիներ։ Երևանի փողոցներում երիտասարդների հետ շփվելիս չտեսա ո՛չ ընդհանուր գաղափար, ո՛չ նպատակ, ո՛չ գիտակցություն` ուր են նրանք շարժվում և ով է նրանց առաջնորդը… Մարդիկ պարզապես հոգնել են ձգձգված ճահճացումից։ Եվ ուզում են որևէ բան փոխել, սակայն լավ չեն գիտակցում` հենց ինչ ու ինչպես», – մանրամասնում է ճանապարհորդը։

Նա չի անտեսել նաև այն փաստը, որ ոստիկանությունը շրջափակել է պետական հաստատությունները, սակայն «հավեսով» կեցվածք է ընդունում, երբ զբոսաշրջիկները լուսանկարվում են «ռեզինե մահակներով ու սաղավարտներով խիստ տղաների» ֆոնին։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 28%
    Քամի՝ 1,54 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: