Սպիտակ տան աշխատակազմի ղեկավարը հերքում է տեղեկությունները, թե Թրամփին «ապուշ» է անվանել

• 01.05.2018, 16:21
•  Ամերիկա,  Աշխարհ

golos-ameriki.ru

Սպիտակ տան աշխատակազմի ղեկավար Ջոն Քելին հերքել է NBC News հեռուստաալիքի այն տեղեկությունը, համաձայն որի ԱՄՆ նախագահ Դոնալդ Թրամփին «ապուշ» է անվանել, հայտնում է NEWS.am-ը: 

«Ես նախագահի հետ ավելի շատ ժամանակ եմ անցկացնում, քան որևէ մեկը, և մեր միջև հաստատվել են անհավանական անկեղծ ու ամուր հարաբերություններ»,- նշված է Քելիի հայտարարության մեջ, որը երկուշաբթի տարածել է Սպիտակ տունը:

«Նա մշտապես տեղյակ է իմ դիրքորոշմանը, երկուսս էլ գիտենք, որ այս ամբողջ պատմությունը լիովին զառանցանք է,- ասել է նա: - Ես նախագահի, նրա օրակարգի և մեր երկրի հաստատակամ կողմնակիցն եմ»:

Երկուշաբթի NBC հեռուստաընկերությունը հայտնել էր, որ Քելին մի քանի անգամ քննադատել է Թրամփի ընկալումը այնպիսի հարցերի շուրջ, ինչպիսին է ներգաղթը, և իրեն ներկայացրել է մարդ, որը երկիրը պաշտապանում է նախագահի իմպուլսիվ պոռթկումներից:

Հաղորդագրության մեջ նշվում էր, որ Թրամփն ավելի ու ավելի շատ է հոգնում Քելիի այդպիսի տրամադրվածությունից: